amalinks wokungena

Breaking News

Ngesikhathi Sokumelana leCovid 19, Abantu Bakhuthazwa Ukuzivkela Kweminye Imikhuhlane Engathelelanwayo


Ubuchopho

Ngesikhathi umumo wezempilakahle eZimbabwe, uqhubeka uwonakala, kubangwa ngamandla layikuqhamuka kweCoronavirus, uzulu ukhuthazwa ukungalibali ukuzivikela kweminye imikhuhlane engathelelanwayo enjengeStroke.

Ingcwethi zezempilakahle zithi umkhuhlane wokutshaywa yistroke, ubangelwa yikuvaleka kwemithambo ehambisa igazi ebuchopheni bomuntu, kubesekusilela umoya we oxygen ekhanda okubulala ama cells.

U Dokotela Norman Matara uthi kuqakathekile ukuba abantu balondoloze impilakahle yabo ukuze bengacini besehlelwa yingozi yokutshaywa yistroke.

“Okwakuqala abantu kabahlolwe I Blood Pressure yabo zikhathi zonke , behlolwe njalo I Diabetes . Bangabonakala ukuba bale BP bahle beyolatshwa belandele ukusetshenjiswa kwemithi yakhona ngoba ihiyo I Bp ebangela I stroke kakhulu.”

Uphenyo olwenziwe ngabenhlanganiso yezisebenzi eye Zimbabwe Congress of Trade Unions- ZCTU iveza ukuba izisebenzi ezinengi elizweni zithwele nzima ekunakekeleni imhuli Phakathi kwesimo somnotho oselizweni ongamanga kuhle ngokutsho kukamabhalani jikelele wayo umnumzana Japhet Moyo.

“Silezisebenzi labantu abanengi abahamba nje abazisebenzayo bona behizigulane ngendaba ngesilungu abaibiza bethi hi stress , ngokuthi umuntu ule stress yokuthi Intambama izakuba lani, I kuseni izaba lani ngizatshona ngidleni abantwana bami bazadlani njalo ngizababhadalela njani esikolo.”

U- Matara uthi njengabezempilo bayakubona yebo ubunzima bempilo labo bungabangela istroke kodwa kuqakathekile ukuthi Phakathi kwalobo bunzima abantu banakekele imizimba yabo.

“I stress ye ilakho ukwenza ukuthi I blood pressure yomuntu iqonge acine ethola I stroke kodwa lokhu kuphansi kakhulu , aisiyo imbangela enkulu ye stroke.”

Odokotela bayavumelana ukuba ukuvikela yiyo into eqakathekileyo okwamagama ukwedlula ukwelapha nxa kubhekwane lomkhuhlane weStroke njalo umuntu ongazithola ehlukumezekile kumele ahlale ehlolwa iHigh Blood Pressure, engameleli ukuze aye dinga usizo lokwelatshwa esetshaywe yiStroke okungaba ngumkhuhlane olendleko enkulu ukuwelapha elizweni elilomumo wezempilakahle ongamuhle.

Unkosikazi Shelter Mudzinganyama wenhlanganiso ephathisa kulabo abagula izifo ezifana leStroke eye Nurse Bank uthi ngaphandle kwezibhedlela bona babona kuqakathekile indlela yokonga abagulayo besemzini yabo eyeHome Based Care.

“Kulesikhathi lapho abantu abagulayo kungenzi ukuthi izihlobo zabo zibanakekele besezindlini ikakhulu okufana labantu abale stroke abadinga ukunakekelwa ngabantu abafundela umsebenzi wabo hatshi u mainini kumbe isihlobo nje endlini kodwa singazi ukuba umuntu onje ugcinwa kanjani.”

Abenhlanganiso ye Stroke Oganization Zimbabwe bathi umuntu oyedwa kwabayisithupha uhlaselwa yisifo seStroke empilweni yakhe. Bathi njalo lesi ngesinye sezifo ezikhokhelayo ekubangeleni ubugoga emhlabeni jikelele njalo singesesibili ukubangela ukulahlekelwa ngumpefumulo, khona kuyisifo esilakho ukuvikeleka.

Odokotela bakhuthaza ukuhlolwa iBlood Pressure ngazo zonke izikhathi, nxa kudingeka ukunatha amaphilisi nsuku zonke awokwehlisa leyo BP, umuntu alandele iziqondiso zonke zokuwanatha. Lalabo abalomkhuhlane owetshukela, owediabetes kungokufanayo bahlolwe lokulandela ukunathwa kwemithi lamaphilisi.

Abenhlanganiso ebona ngezempilakahle emhlabeni jikelele eye World Health Organization bathi isilinganiso sengozi yokuhlaselwa yiStroke singehliswa kakhulu nxa abantu bengalondoloza impilakahle yabo lokulandela iziqondiso ezithile ezinjengokutshiyana lemikhuba yokubhema igwayi, ukwehlisa isilinaniso setshwayi ekudleni, ukwengeza izithelo lemibhidha ekudleni, lokuphatheka enhlelweni zokuqinisa umzimba ama Exercises, ukwehlisa ukukhuluphala lokudinga indlela zokuthi umuntu engacini ephelelwa yimicabango eyedwa akhulume labanye adinge amacebo wokuziphilisa kwabanye abemhuli loba abezempilakahle.

Umsekeli kamongameli onguye njalo umpathinambo wezempilakahle uMnu. Constatnine Chiwenga, utshele intathelizindaba emkhosini wokwamukela izimotha zabagulayo amaAmbulance, ngeviki edluleyo ukuthi uhulumende wakhe uphakathi kohlelo lokulungisisa ezempilakahle elizweni, oluzakwenza kube lula ukuthi umuntu wonke elizweni afinyelele ezempilakahle olulesihloko esithi Accessibility and Affordability to all.

Udaba lomkhuhlane westroke siluphiwa nguMark P. Nthambe
please wait

No media source currently available

0:00 0:04:44 0:00

Facebook Forum

XS
SM
MD
LG