WASHINGTON —
Omunye weziphathamandla zebandla leMDC Alliance ezisanda ukukhululwa entolongweni, uMnu. Tungamirai Madzokere uthi uthi ufice kutshaya umoya emzini wakhe uNkosikazi wakhe esetshiye umuzi wabo wathatha abantwana lempahla.
Lokhu kuphume emhlanganweni obuqoqwe eHarare namuhla ngamagqwetha amela uMnu. Madzokere lomunye wakhe uMnu. Last Maengahama abahlala iminyaka eyisitshiyagalombili entolongweni kodwa bakhululwa ngoba betholakale bengelacala.
Kodwa uMnu. Madzokere uthi kamgconi umkakhe ngoba ubengakaluphali, okungabe kwabangela ukuthi emuke ngomnyaka odluleyo.
Ababili laba bathi balakho ukumangalela uhulumende emthethwandaba.