amalinks wokungena

Breaking News

Inhloko ZeNdaba Mfumfu 13, 2020


Phakathi kwenkulungwane ezedlula kancane ezithobaminwe mibili-8,021, zabatholakale beleCovid 19, eZimbabwe, kusile inkulungwane phose eziyisitshiyagalombili,7,627, kwafa abangamakhulu edlula kancane amabili-230, kubika abogatsha lwezempilakahle.

Abebandla leMDC Alliance bathi loba bengatholanga imali okwakumele bayithole kuhulumende, benelisile ukuqhubeka ngenhlelo zabo lokubhadalela indleko ezigoqela iholo lezisebenzi. I MDC Alliance ithi amabhuku abo email ahlanzekile njalo ibandla lile mali yokusebenzisa.

Abamakampani ezimota kanye lobosomabhizimusi abakumsebenzi wokuthwala abantu lemphahla, bakhala ngentengo yamafutha ezimotha asethengiswa emagalatshini amanengi ngedola leMelika.

Umkambo wokuthengisa imali yakwamanye amazwe ubikwa usumise ukuwa kwesisindo sedola le Zimbabwe kodwa umnotho ulokhu usiya nganxele.

Uhlangothi lukahulumende olubona lokumelana lokumemetheka kwegcikwane lengculaza eleHIV, bathi inani labantu ababanjwe ingculaza lehla kakhulu kusukela ngomnyaka ka2010 kusiya ku2019 kodwa bakhathazekile ngoba ngeke benelisa ukwehlisa njalo lelinani ngomnyaka ozayo kusiya ku2030 ngenxa yeCovid 19 esiphambanisa inhlelo zabo.

Abalwela amalungelo abesifazana eZimbabwe bathi yebo bayemukela ukuba khona kwemithetho elawula ukuhlonitshwa kanye lokuthuthukiswa kwabesifazana lamantombazana. Kodwa bathi lanxa limithetho ikhona kunengi okusamele kwenziwe ukuze abesifazana kanye lamantombazana bathole amathuba okuzithuthukisa kanye lezikhundla zobukhokheli.

Ku Livetalk namhlanje kuhlelo “The Connection” sikhangela ukulondolozwa kelungelo lamantombazana ngalesi sikhathi ilizwe limelana lomonakalo osudalwe yiCovid 19 eZimbabwe lasemhlabeni jikelele.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG