amalinks wokungena

Breaking News

Bathakazelela uNomathamsanqa 'Nkwali' Mkwananzi Kuzwekazi leEurope


UNomathamsanqa 'Nkwali' Mkwananzi (Photo: Ezra Tshisa Sibanda)

Umculi weZimbabwe uNomathamsanqa Mkhwananzi, odume ngegama lokucula elithi Nkwali, wenza izimanga kuzwekazi leEurope lapho ahlabela khona abuye agide ekhokhela iqula labaculi bezwekazi leAfrica abangamatshumi amabili lanhlanu - 25.

UNomathamsanqa 'Nkwali' Mkwananzi (Photo: Ezra Tshisa Sibanda)
UNomathamsanqa 'Nkwali' Mkwananzi (Photo: Ezra Tshisa Sibanda)

Ugcwele kumaphephandaba labomabonakude bebaza ukucula lokugida kwakhe uNkwali. Dibadiba laye uMagagisa esigodlweni seCzech Republic iPrague.

"Ngihamba leshow okuthiwa yiMother Africa siqalise ngo December so sibhoda amazwe nje amanengi khona eEurope, eAustria, eGermany, ESwitzerland lase Czech Republic. Yishow elama artist atshiyeneyo avela emazweni atshiyeneyo eAfrica."

Iqembu asebenza lalo uNkwali lilamalunga amanengi avela emazweni atshiyeneyo enza okwehlukeneyo okujabulisa abantu.

"Ye leyishow ebizwa ngokuthi yiMother Africa Circus. Ilabantu abanengi abavela endaweni ezitshiyeneyo kuzwekazi leAfrica. Sile Ethiopia Zimbabwe, South Africa, Tanzania, Kenya. So, kule live band and kulama acts atshiyeneyo awe acrobatics ayenziwa ngabanye bonke laba. Mina kushow ngiyahlabela leband ngiphinde ngigide, so kulemgido etshiyeneyo eyeSouth Africa eye Ivory Coast so senza konke khonapho leminye emgido yaseZimbabwe.

Nkwali (Photo: Ezra Tshisa Sibanda)
Nkwali (Photo: Ezra Tshisa Sibanda)

Ngaphandle kwalumcimbi acula kuwe oweMother Africa, uNkwali wenza njalo imcimbi leqembu lakhe.

"Yah nxa ngingekho eMother Africa ngilamashows engiwayenzayo khonapha eGermany, lase Austria lase Czech Republic ngingathi nje kuma Schengen States jikelele, mostly ngiyabe sengingu Nkwali leband lapha engiyabe sengisenza ke ezami izingoma ngisenza eyami ishow."

Kukhanya abantu abanengi bayamthanda uNkwali njalo usekelo aluthola kuzwekazi leEurope lukhulu okwamagama.

"Bayasithakazelela kakhulu so yikho okwenza sithole amathuba amanengi lemisebenzi ethe xaxa ngapha ngoba bayayidlala lemculo yethu kumaradio stations abo. Hayi ekhaya njengoba sibona isimo khathesi zonke izinto zinzima ama artist awesiNdebeleni asitholi kakhulu amaplatform ezintweni ezinengi so yikho nje izikhathi lathi ezinengi sithola wona lawa amathuba angapha siwasebenzisa."

UNkwali uledlalede lakhe lembube elithiwa ‘Sithokozile’ elatshisa okwamagama. Okwamanje upheka elesibili elikhanya livutha kahle.

Imgcimbi yeMother Africa iqale ngoMpalakazi nyakenye njalo ikhangelelwe ukuphela ngenyanga ezayo uNkwali uthi kadlali uyasebenza.

UNomathamsanqa 'Nkwali' Mkwananzi Uthakazelelwe Ngabantu Kuzwekazi leEurope
please wait

No media source currently available

0:00 0:03:54 0:00


Facebook Forum

XS
SM
MD
LG