amalinks wokungena

Breaking News

Sixoxa loNtombizodwa Mguni Ilunga leMthwakazi Republic Party


Ntombizodwa Mguni
Ntombizodwa Mguni

UNkosazana Mguni uthi uzancintisa kukhetho lukudinga ozamela isigaba seMakokoba edale lephalamende emele ibandla lakhe leMRP.

Umabhalane wogatsha olulwela amalungelo abesifazana kubandla leMthwakazi Republic Party (MRP), uNkosazana Ntombizodwa Mguni, uthi kufanele abesifazana bephatheke kwezombusazwe ngobunengi babo ukwenzela ukuthi bethuthukise isizwe sabo kanye lempilo zabo.

Uthi okwamkhuthaza ukuthi engene kwezombusazwe yikuthi abesifazana beMatabeleland leMidlands, yibo abancindezelwa kakhulu elizweni, njalo bahlukuluzeka kakhulu ngesikhathi seGukurahundi.

“Isizwe sakithi silabomama abahlukumezeke kakhulu. Abantu bempumalanga abangekho ngapha koMthwakazi bona bathole inkululeko yabo ngomnyaka ka1980 kwabahambela kuhle; emfundweni, kumabhizimusi ... silwela khonokhu lathi ... ukuthi kesithole uxolo,” kugcizelela uNkosazana Mguni.

Uthi abesifazana bayahlukuluzwa kwezombusazwe, enika umzekeliso welinye lelunga leMRP uNkosazana Sehliselo Ndebele, owatshaywa ngamapholisa lamasotsha, walimala kakhulu ngemva kokutshengisela phambi kukaMongameli Mnangagwa koBulawayo ngodaba lweGukurahundi lokunye.

UNkosazana Ndebele ubikwa engatholanga usizo lwempahla zokusebenzisa - ama sanitary pads - evalelwe esitokisini, ngemva kokungena esikhathini lapho etshaywa.

Kusenjalo, uNkosazana Mguni, uthi uzancintisa kukhetho lukudinga ozamela isigaba seMakokoba edale lephalamende emele ibandla lakhe leMRP.

"Ngihlala eMzilikazi njalo ngibone kufanele ukuthi ngithuthukise isigaba engihlala kuso, ngilungise ikakhulu okwenzakala esibhedlela seMpilo, imortuary leyana incinyane ... njalo kule Arts and Crafts Center, omama abasebenza laphana are not given credit, kuphiwa abavela kwamanye amazwe, sifuna labakithi bethole amathuba.."

Uthi usaqoqa imali yokubhadala indleko zokukhankasela lolukhetho ngoba ibandla lakhe alitholi usizo lwemali kuhulumende kumbe kwezinye inhlanganiso.

“Okwakhathesi ngisenza i-door-to-door, then ngizakwenza ama rallies ngingathola imali kubangani lezihlobo,” kutsho uMaMguni.

please wait

No media source currently available

0:00 0:10:30 0:00

XS
SM
MD
LG