amalinks wokungena

Breaking News

'Nxa uChamisa loMaKhupe Bengafuni Ukumanyanisa Ibandla Abasuke Ezikhundleni'


UMnu Nelson Chamisa loNkosazana Thokozani Khupe
UMnu Nelson Chamisa loNkosazana Thokozani Khupe

Amanye amalunga amacele womabili eMDC alwisanayo athi asediniwe ngokudlephana lokhu njalo athi umkhokheli weMDC Alliance uMnu Nelson Chamisa lomkhokheli wecele leMDC-T uNkosazana Thokozani Khupe kumele bakhulumisane.

Athi ukulwisana lokhu kuphathisa ibandla leZanu PF hatshi uzulu.

Inkuthazo le iza ngesikhathi abasakhulayo bamacele womabili ababesezikhundleni ngo2014 bemanyene bahluthunela uMaKhupe isigodlo sebandla, iHarvest House, ngoMvulo besithi yena loChamisa kumele bakhumisane umlotha njalo bamanyanise ibandla.

Abasakhulayo laba babikwa bebelokhu bezivalele esigodlweni lesi ngoLwesibili lanxa icele likaMaKhupe lisithi inkantolo inqume ukuthi kumele baphume.

Amapholisa lawo ebekhona phambi kwesigodlo lesi.

Umeli weSoutherton edale lephalamende olilunga leMDC Alliance uMnu Peter Moyo utshele iStudio 7 ukuthi nxa uChamisa loMaKhupe besehluleka ukuhlala phansi bakhulumisane, kumele basike ezikhundleni zobukhokheli batshiyele abanye abazamanyanisa ibandla.

please wait
Embed

No media source currently available

0:00 0:01:44 0:00

XS
SM
MD
LG