amalinks wokungena

Breaking News

Obaba Bayala Ukusebenzisa Indlela yeVasectomy Ukuhlela Imuli


Indlela zokuhlela kuhle imuli
Indlela zokuhlela kuhle imuli

Ingcwethi zezempilakahle zithi indlela yokuquma umthambo ohambisa inhlanyelo kababa eyeVasectomy ngeyinye yendlela engasetshenziswa ngobaba ukuhlela kuhle imuli.

Inengi labobaba lihlehlela emuva ekusebenziseni indlela le, eye Vasectomy bekhala ngokuthi iphambanisa ukusebenza kuhle komzimba wesilisa, lanxa abezempilakahle bethi akunjalo. Okugcizelelwe ngunkosikazi Zandile Mthethwa ongumongikazi.

“Ivasectomy yindlela yokuhlela ngayo imuli eyenziwa kubobaba kusikwanje ukuvala ukuthi inhlanyelo kababa ingadluli ukwenzela ukuthi umama engazithwali. Ekusikeni kuvalwa leyondlela akukho okunye okuphambanisekayo kubaba, phakathi kwe 100% i10% yibo kuphela ayenziwayo ivasectomy indlela yomthambiso iyodwa indlela yenhlanyelo kababa iyodwa so akuphambaniseki lutho ekuvalweni kwenhlanyelo yonke into iyasala isebenza njengoba kufanele isebenze ,ubaba uyasala engubaba okukho okunye okuphambanisekayo amahormones ache ayabe elokhe esebenza njengoba kufanele asebenze laye usabe ezizwa ukuthi ungubaba nxa ehlangana lomama.”

Unkosikazi Mthethwa uqhubeke ethi le yindlela enhle yokuhlela kuhle imuli nxa umama ebhekane lobunzima ukusebenzisa ezinye indlela kodwa kayivikeli mikhuhlane.

‘‘Iadvantage ye vasectomy iyikuthi yena ubaba uyabe sesevele esekwazi ukuthi imuli yakhe isikwanile, umama akuselakuthi ukhohlwe amaphilizi abonakale esezithwele ubaba engafuni .Akusela expense yokuthi umama ahambe ayefaka inoplant kumbe ayethenga amaphilizi it makes ukuthi iplanning yemuli ibelula ende nxa kuvele kuqaliswa yinhloko yomuzi kulula lakumama .Idisadvantage yikuthi its permanent bangehglukana ayisekho eyinye indlela ukuthi ubaba angathola abantwana .Ayivikeli imikhuhlane ngangcono lisebenzise idouble method yecondom use .’’

Umnunzana Mthokozisi Sithole isakhamuzi sakoBulawayo uthi yena kavumelani lale indlela yokuqunywa ngoba kungazakali ukuthi bazaphila bonke okwesikhathi esinganani.

“Indaba leyi eyokuqunywa kwabobaba ivasectomy angivumelani layo sibili ngoba njengabantu asikwazi ukuthi sidalelwe ukuthi siphile isikhathi esinganani lapha emhlabeni what if ngihambe ngiyeyiyenza umkami angitshiye sisesebancane besengithatha omunye umfazi lo umfazi uzabe efuna abantwana ngizayenzani mina sengihambile ukuyayenza ivasectomy so l think omama kube yibo bodwa abapreventayo lezi into.”

Umnunzana Thomas Ncube uthi kumele kusetshenziswe ezinye indlela zokuhlela kuhle imuli kulale.

"Kumele kutholakale indlela zokuthi kumbe nxa ngingakafuni ukuthola abantwana okunjengamaphilizi ahambisana lalokhu okwenzakala kubomama at least kungcono kulokuthi umuntu wesilisa ayenze okokuthenwa njengenyamazana izifuyo. Ngibona angathi kuyisono futhi phambi kukankulunkulu ukuthi umuntu ongubaba athenwe ngoba kuyenzakala ukuthi ngithole omunye umama, kumbe lwana sesehlukene sengithole omunye wokumthatha lwana engimthetheyo laye ufuna umtwana nxasengiqhunyiwe uzatholakala njani"’

Unkosikazi Silindile Zulu uthi yena kazwisisi ukuthi obaba bayazikhethela kodwa kungcindezelwa omama ukuba babe yibo abazivikelayo.

“Ukuqhunywa kwabobaba mina angizwisisani lakho ngoba ngani yikungcindezelana kuyabe sekulusizi ngoba kusasa nxa sesiyalene esethola omunye umfazi, umfazi lwana uyabe esefuna umtwana so kulusizi olukhulu kakhulu ukuthi sikhanye sesiqhuma obaba nxa efuna abantwana yi choice yakhe nxa kuyikuthi kabafuni umfazi uyapreventer hayikhona ukuthi ubaba eqhunywe.’’

Inengi labo baba livumelana lomnqondo wokuthi inani labantwana kumele lihlelwe, kuba kubi nxa yena esezaba njenge sifuyo. Loba odokotela bethi akulimazi bona bathi abavumelani lakho lokhu ngabe benza okunye okungasoze kubavale okwempilo yabo yonke. Abanye omama labo bakhanya besekela obaba kulokhu bethi akukuhle.

please wait

No media source currently available

0:00 0:04:52 0:00

XS
SM
MD
LG