amalinks wokungena

'UObama Akenzanga Okweneleyo Kuzwekazi leAfrica'


FILE: UPresident-elect Barack Obama uhlangabezwa eWhite House nguMongameli George W. Bush, labake babamba isikhundla lesi abagoqela uGeorge H.W. Bush, Bill Clinton, loJimmy Carter.

Abantu abanengi abadabuka emazweni awezwekazi le Africa balembono eyehlukeneyo ngombuso ka Mongameli Barack Obama osusiya komlindi uyacina.

Abanye bathi njengomongameli onsundu wakuqala oloyise oyisizalwane sezwekazi eleAfrica, akenzanga okwaneleyo okungasiza uzulu onsundu lomnotho wamazwe alelozwekazi.

UMnu. Donald Sibanda, usomabhizimusi osebenzela kwele South Africa kodwa oyisizalwane seZimbabwe, uthe uvumelana lombono lo.

USibanda uthe ukuxoxisana ngembali kaObama lakwenzela uzulu eAfrica yikumotsha isikhathi ngoba akayenzanga okubukekayo okunconywa kakhulu ngabantu abansundu.

Ekhuluma ngohlelo lweMandela Washington Young Africa Leaders Initiative, uSibanda uphinde wathi loluhlelo luyasiza loba nje abakhethiweni bengena kulo okwesikhathi esifitshane.

“Mina ngokubona kwami uObama akasiyena umuntu olesandla esilukhumi.”

USibanda uthe ungalinganisa umsebenzi walowo owake wabangumongameli uGeorge W Bush lomsebenzi ka Obama kwele Africa, uBush wenze okunengi okudlula uObama.

Uphinde wathi, “Indaba zobandlululo kwele Melika zamehlula uObama. Ngombono wami uObama akayenzanga lutho ukusiza abansundu.”

USibanda uphinde wathi uyajabula ngoba isikhathi sika Mongameli Obama sesiyaphela njalo ulethemba lokuthi ukungena kuka Mnumzana Donald Trump kuhulumende kuzaletha inguquko kusimo sabantu kwele Africa, ikakhulukazi eZimbabwe.

XS
SM
MD
LG