amalinks wokungena

Breaking News

Obedonsa Iminyaka Engu-14 Phezu Kwecala Lokudlwengula Ingane uKereke Ukhululwe Yinkantolo


Judge's gavel - marteau de juge - New York

Umthethwandaba weSupreme Court ngoLwesithathu ukhulule owake waba ngumeli weBikita West ephalamende elilunga leZanu PF uMnu Munyaradzi Kereke.

UKereke ubeseleminyaka emihlanu esejele ngemva kokufunyanwa elecala lokudlwengula umntwana oyisihlobo sakhe oleminyaka yokuzalwa elitshumi lanye, 11.

Wagwetshelwa ukupika okweminyaka elitshumi lane, 14, ngomnyaka ka2016 lapho inkantolo eyamthola khona elecala lokudwengula lingane ephethe umbhobho wokuyethusela.

Idale leSupreme Court limkhulule ngemali yesibambiso, i-bail, engena kungxenye yesigidi, iZ$500,000.

Lokhu kutsho ukuthi uKereke usezaphikisa isigwebo sakhe kanye lokufunyanwa kwakhe elecala ephandle.

Igqwetha lakhe uMnu James Makiya utshele umsakazo weStudio 7 ukuthi bayathokoza kakhulu ngalesisinqumo.

Facebook Forum

XS
SM
MD
LG