UMnu. Obert Mpofu, obona ngenhlelo ezitshiyeneyo kubandla leZanu PF, kubikwa ukuba usexotsha uSiphosami Malunga labanye bakhe Esidakeni Farm abalithenga ngomnyaka ka2017.
UMpofu wenza lokhu loba umthethwandaba usanda kwethula isinqumo esithi kumele asuswe epulazini leli.
Usethethe udaba lolu njalo waluphanyeka emthethwandaba eHarare.
UMnu. Zeph Dhlamini, omunye wabanikazi bepulazi leli, uthi sebevalelwe phandle kwalo nguMpofu, osefake abantu abalemibhobho egedini lepulazi leli.
UMpofu uthi kazilutho ngokukhulunywa nguDhlamini labanye bakhe.
Uthi, “Angazi ukuthi bakhuluma ngani njengoba bahamba kumthetwandaba.”
Kodwa uMalunga labanye bakhe bathi usebethwalele ubhulo uMpofu oselime indima ezimbalwa ezigoqela lapho akade befuna ukuhlanyela umumbu lamahanyanisi.
Okwamanje uDhlamini uthi sebebuyela emthwathandaba ukuyabophisa uMpofu.
UMalunga ngumtaka muyi uSydney Malunga, owayekubandla leZapu owangcwatshwa emathuneni amaqhawe eNational Heroes Acre.
Umthethwandaba wethula esinye isinqumo esithi uMnu. Dumisani Madzivanyati, laye owangena epulazini leli, ukuba abotshwe ngoba walile ukususa njengalokhu okwakwethulwe lidale leHigh Court.