amalinks wokungena

Breaking News

Odokotela Abakhalala Imisebenzi Sebetshiye Abagulayo Bethwele Nzima.


Uhlangothi olubona ngokuqhutshwa kwezempilakahle elizweni olwe Health Professions Authority luthi isimo ezibhedlela siqhubekela phambili sisiba sibi ngenxa yokukhalala umsebenzi kwabodokotela.

Iziphathamandla zaloluhlangothi zethekelele ezibhedlela ezintathu eHarare ngoMvulo, ezibalisa eseParirenyatwa, eHarare Hospital leChitungwiza zicwayisisa umumo.

Isikhulumeli saloluhlangothi sithi iqula laloluhlangothi libone abantu abanengi, abagoqela abantwana abehluleke ukuthola usizo lokwelatshwa ngoba odokotela bengekho.

Uhulumende wazise ngempelaviki ukuthi odokotela laba sebebuyele emsebenzini ngemva kokuvumelana laye kodwa bona bathi akunjalo njalo abekho ezibhedlela.

Odokotela ezibhedlela zikahulumende baqale ukukhalala umsebenzi ekuqaliseni kwalinyanga bekhonona ngeholo abathi liphansi.

Uphenyo olwenziwe yoStudio 7 koBulawayo luveze ukuba odokotela bakhangela izigulane ezigula kakhulu ezifakwe ku Intensive Care ezinye zonke zikhangelwa ngabongi kuphela.

UMnu. Matthee Ndlovu, olomntwana olaliswe esibhedlela seMpilo, uthe kuyadanisa ukuthi uhulumende kakhathaleli izisebenzi ezinjengamadokotela.

Abongi lesikhulumi seaMpilo behlulekile ukuphendula imibuzo yeStudio 7 besithi kayibhalwe phansi izaphendulwa ngolunye usuku.

UNkosikazi Samukele Ncube, isakhamuzi sakoBulawayo obeze ukuzobona isihlobo sakhe esigulayo eMpilo Hospital, uthi akula sizo abalutholayo esibhedlela sebeze becabanga ukuthatha isihlobo bayezongela endlini.

Kusenjalo, ukhansila wako Bulawayo, uMnu. Edwin Sibanda, uthe nxa abantwana bengadlalisa inhlabathi ehlangene lomquba wabantu kudala izibungwana kanye lomkhuhlane wesihudo. Uthe laloba kunjalo ukhansili ulwisana lemikhuhlane yesihudo.

Indleko ye zempilakahle iphezulu kakhulu ezibhedlela ezizimeleyo ezingekho phansi kukahulumende njalo balutshwana abenelisa ukuyakwelatshwa kizo.

Facebook Forum

XS
SM
MD
LG