amalinks wokungena

Breaking News

Odokotela Bamazinyo Bakhuthaza Ukuhlolwa Amazinyo Kanye Kumbe Kabili Ngomnyaka


Oral health

Odokotela bamazinyo bathi abantu be Zimbabwe kumele babe lomkhuba wokuqakathekisa ukuhlolwa amazinyo kanye loba kabili ngomnyaka lalapho amazinyo engabuhlungu, hatshi ukuvela sebebhekane lohlupho kuphela.

O Dokotela laba ababizwa ngokuthi ngoDentist, bathi ngezikhathi ezinengi bamukela abantu sebephuma kubodokotela abakhangele ezinye inhlungu zomzimba, ama General Physicians ngoba umuntu esephuzile ukunanza impilakahle yamazinyo akhe.

UDokotela Amanda Moyo oyi dentist uthi akusizi ukuthi umuntu abuye amazinyo esengasalapheki esedinga ukukhitshwa kuphela.

“Kuqakathekile kakhulu ukuthi abantu behambe even ngemva kwenyanga ezihisithupha kumbe at least kanye ngomnyaka ukuthi ayehlolwa amazinyo ukuthi ahlolwe nje abonakale ukuthi yonke into imi kahle umuntu engameleli ukufika ebangeni lokugula andubana ayovakatshela u dokotela wamazinyo.”

Okhokhela inhlanganiso yabo dokotela bamazinyo eye Dental Association of Zimbabwe, uDokotela Gerald Tsoka uthi lolu ludubo sibili njalo bazama ukuqinisa imikhankaso yokunikeza uzulu imfundiso ngokuqakatheka kokulondoloza impilakahle yamaziny

“Okwamanje sisebenzisa ama social media platforms ethu sihlanganisa lomkhankaso welanga eliqakathekileyo ele oral health day okwenziwa kanye ngomnyaka kunyanga ka Mbimbitho ukuze ulwazi lufike ebantwini.”

Uqhubeke ethi ngaphandle kokusilela kolwazi kulodubo njalo lobuyanga olubangela ukuba uzulu jikelele engenelisi ukufinyelela indleko yabodokotela bamazinyo abazimeleyo.

Inhlanganiso ezizimeleyo lamanye amalunga edale lephalamende selesikhathi ekhuthaza ukuba imali ehambelana lesinqumo se Abuja Declaration kusikhwama sikahulumende eyeBudget ibekwelwe eceleni ukuphathisa kweze mpilakahle, ukuze umuntu wonke efinyelele usizo lokwelatshwa, ezinye indleko zihlawulelwa nguhulumende.

Igcwetha umnumzana Abraham Mateta uthi udubo yikuba izivumelwano ezinje azilawo amand

“Lokhu singathi yisivumelwano esilokuthiwa yi persuasive authority nje kuphela kumazwe ayabe ebhalelane kuzo yikho kuthiwa yi declaration akulamandla a binding okufana nje nge convention, lapha bayabhalelana phansi nje be saine bethembela ukuthi amazwe azakulandela.” End of act

U Dokotela Moyo uthi uzulu kumele ananzelele ukuba ukuvikela kungcono kulokwelapha usungumkhuhlane, kungakadaleki umonakalo.

“Ukuxubha amazinyo kabili ngelanga , ekuseni umuntu esedle ukudla kwekuseni lantambama umuntu esedle ukudla kwantambama njalo lokufundisa abantwana ukugxubha even abancane, abanye bamila amazinyo bele six months uyaxubha sibili as long as izinyo selithutshile.”

ODokotela bamazinyo bathi ukunakekela impilakahle yamazinyo okugoqela ukuxubha lokuhlolwa komuntu wonke emulini labantwana ngemva kwenyanga eziyisithupha loba kanye ngomnyaka kunganceda ukwenqabela inkinga ezinengi abavame ukuhlangana lazo ezifana lokubola kwamazinyo, ukuhlaselwa kwemikhuhlane yensini lokuxega kwamazinyo acine eziwela wodwa khona kungavikelwa.

Uhulumende ubikwa esevuselela imitshina yamazinyo ezibhedlela zakhe zeziqintini lasezabelweni okungenza ukuba abantu bafinyelele usizo lokuhlolwa lokwelatshwa amazinyo ngendleko engasoze igebhe kakhulu esambeni.

Udaba lwempilakahle yamazinyo siluphiwa nguMark Peter Nthambe
please wait

No media source currently available

0:00 0:04:12 0:00

Facebook Forum

XS
SM
MD
LG