amalinks wokungena

Breaking News

Odokotela Batshengisela Emigwaqweni Bekhonona Ngokuthunjwa Komkhokheli Wabo


Zimbabwe doctors staging protest
Zimbabwe doctors staging protest

Odokotela kwele Zimbabwe sebekhalale umsebenzi bekhonona ngokuthunjwa komkhokheli wabo, uDokotela Peter Magombeyi, okucatshangelwa ukuthi uthunjwe ngamapholisa ensitha.

Odokotela abatshengisela emigwaqweni ...
Odokotela abatshengisela emigwaqweni ...

UDokotela Magombeyi, umkhokheli wenhlanganiso yabodokotela abasathuthukayo eyeZimbabwe Hospital Doctors’ Association, uthunjwe ngoMgqibelo endlini yakhe eBudirio eHarare ngesikhathi odokotela bekhalala umsebenzi ngenxa yeholo eliphansi.

Abanye bakhe bathi ukuthunjwa kwakhe kwenzelwa ukwethusela abakhalala umsebenzi ukuthi babuyele emsebenzini lapho abafuna ukuthi uhulumende akhuphule iholo labo kulandela ukugugudeka komnotho okumangalisayo.

Zimbabwe doctors
Zimbabwe doctors

Odokotela abatshengisele emigwaqweni eHarare behambise ugwalo olujulileyo kuMongameli Emmerson Mnangagwa olumumethe izikhalazo zabo ezigoqela ukuthunjwa kuka Dokotela Magombeyi leholo eliphansi.

Abanye odokotela batshengisele ezibhedlela koBulawayo bekhonona ngokufanayo.

ODokotela bahola phose amatshumi amane amadola eMelika – US$40 ngenyanga.

Uhulumende usethembise ukuthi uzahlolisisa izikhalazo zabo.

XS
SM
MD
LG