amalinks wokungena

Breaking News

Odokotela Bezibhedlela ZakoBulawayo Lokhu Bengakabuyeli Emsebenzini Lanxa uDokotela Magombeyi Esetholakele


ODokotela beZimbabwe

Uzulu wethula imizwa etshiyeneyo ngemva kokutholakala kukaDokotela Peter Mugombeyi njalo isimo ezibhedlela lokhe singacaci ngoba odokotela lokhe bengakabuyeli emsebenzini lanxa esetholakele.

Isimo ezibhedlela lokhe sibucayi loba udokotela obebikwa ethunjiwe esebonakele. Odokotela labongi lokhe bengakabuyeli emsebenzini bethi abakakhulumi laye ukuthi bezwe ukuthi uphilile.

Unkosikazi Siphiwe Msipha uthi okwakhathesi abakasebenzi okugcweleyo ngoba bengakezwa isimo sikaMagombeyi.

“Ukutholakala kukadokotela kubekahle kakhulu ngoba lathi omongikazi being a kwazi ukuthi udokotela unjani, ukuthi uphilile kumbe kaphilanga. Thina okwakhathesi asikasebenzi okugcweleyo sithatha ama emergency, laba abagula behamba sibabisela ngekhaya. Sifisa ukuthi uhulumende wethu angasingezelela ngeholo ngoba izinto zikhuphukile, imali vele ayithengi lutho.”

Unkosikazi Sehli Dube isakhamuzi sakoBulawayo, uthi kuyajabulisa ukuthi uDr Magombeyi usetholakele.

“Sizwa silokujabula kakhulu ngokubonakala kuka Peter Mugombeyi ngoba lokhu besekuphazamise into ezinengi ikakhulu impilakahle yabantu ukuthi besesingasela abantu abaselaphayo odokotela labo sebetshiyile umsebenzi ngakho lokho kube buhlungu kakhulu ebantwini adebesesibhedlela. Esikwesabelayo khathesi yikuthi abantu esibathembe ukuthi yibo abasivikelayo abantu beState yibo asebengani bacatshangelwa ukuthi yibo ade bemthemthe ngakho okwenza kubebuhlungu kakhulu ngoba bengasathembakalanga.”

Omunye wabasakhulayo, unkosazana Nomsa Tshili uthi umlalele ekhuluma emsakazweni weStudio 7, ngoLwesine ntambama, ubezwakala ephilile.

“Sijabulile ukuthi udokotela ucine etholakele, sesilethemba lokuthi njengoba etholakele izinto ziyatshintsha kubodokotela ngoba impilo zabantu zisengozini njengoba odokotela besebestrikile emsebenzini. Mina izolo ngimlalelile kuradio ekhuluma ngodaba lwakhe ubezwakala engumuntu oright. Siyathemba ukuthi njengoba esetholakele odokotela sebengabuyela emsebenzini .”

Unkosikazi Nobuhle Sithole oyisakhamuzi sakoBulawayo uthi kulokunye okungazwisisekiyo ngokunyamalala kukaMagombeyi.

“Into ka Dr Mugombeyi leyi kade ngingayilandeleli namhla ngiphombukubona I headline isithi sebonakele l think into leyi iyitwo ways, I think amadoctors alesandla ekucatsheni kwakhe besenzela ukuthi igovernment iact or igovernment layo involved kutwiter sibone uminister of information esithi uzabonakala he we will find his way home engaba sober l am glad ubonakele.”

Odokotela lokhe bengakatsho ukuthi babuyela nini emsebenzini lokhu kwenza isimo siqhubeke sibucayi ezibhedlela zikahulumende.

Umbiko owethulwe ngabenhlanganiso yabodokotela eye Zimbabwe Health Doctors Association uthi odokotela bazaqhubeka bekhalala umsebenzi izikhalazo zabo zize zilungisiswe. Odokotela esibhedlela seMpilo bale ukuthathwa amazwi kodwa bagcizelele ukuthi ukukhalala umsebenzi kuyaqhubeka.

please wait

No media source currently available

0:00 0:03:03 0:00

Facebook Forum

XS
SM
MD
LG