Abantu abanengi abadinga uncedo ezibhedlela babiselwa emakhaya ngenxa yokuthi odokotela baqhubekela phambili bekhalala umsebenzi.
Odokotela abakhalale umsebenzi bathi bazabuyela nxa uhulumende engakhuphula iholo labo. Okwamanje umuntu munye ngamunye uhola amatshumi amane amadola eMelika ngenyanga.
Odokotela laba abakhulume leStudio 7, ababekhonona njalo ngokuthunjwa komkhokheli wabo uDokotela Peter Magombeyi oseAvenues Clinic okwamanje, bathi kuzwisa usize okwenzakala ezibhedlela zikahulumende.
Kubikwa ukuthi uMagombeyi lokhu egula kulandela ukuvumbuluka kwakhe eNyabira duzane leHarare ngeviki ephelileyo.
Uhulumende uthi kazi lutho ngokuthunjwa kwakhe kodwa abanye odokotela bathi wahlatshwa amajekiseni aphazamisa imicabango yomuntu.
Bathi kukhanya elamatshisela emzimbeni aveza ukuthi watshiswa ngomlilo kagetsi. Odokotela abamhlolayo abakethuleli umphakathi ngabakutholayo.