amalinks wokungena

Breaking News

Odokotela: Sizabuyela Emsebenzini Singasayinelana Lohulumende


Odokotela bathi lanxa uhulumende esethembise ukubengezelela iholo, ukukhalala umsebenzi kwabo kuzaqhubeka beze besayinelane isivumelwano lohulumende.

Abasekeli bakaMongameli welizwe, uMnu Kembo Mohadi loMnu Constantine Chiwenga bahlangane labodokotela babathembisa ukuthi iholo labo lizakhwezwa lisuka kudola elilodwa lengxenye ngehola lisiya kumadola amahlanu ngehola.

Isengezo lesi sikhuphula iholo likadokotela othola imali ephansi lisuka kumakhulu amathathu lamatshumi amahlanu amadola lisiya kumakhulu ayisitshiyagalombili.

Kusenjalo izigulane ziqhubeka ziswela abelaphi ezibhedlela ezinengi. Omunye wazo yisakhamuzi sakoBulawayo uMnu Nyamanzi Dube yena ovukele eUnited Bulawayo Hospitals waphenduka engelatshwanga.

UDube utshele iStudio 7 ukuthi ukukhalala kwabodokotela lokhu kufaka izagulane engozini enkulu. Uthi uhulumende kumele elungisise izikhalazo zabo ngokuphangisa.

Amazwi akhe agcizelelwe yingcwethi kwezombusazwe uMnu Mqondobanzi Magonya.

please wait

No media source currently available

0:00 0:05:18 0:00

Facebook Forum

XS
SM
MD
LG