amalinks wokungena

Breaking News

Omama Abakuhlelo lweART Therapy Bakhuthazwa Ukuhlolwa Imvukuzane Yomlomo Wesibeletho


Ingcwethi zezempilakahle zithi kuqakathekile ukuthi omama abaphila legcikwane lengculaza abakuhlelo lokuthatha amaphilisi okwehlisa leligcikwane emzimbeni, olweART Therapy, ukuba bahlale besiyahlolwa imvukuzane yomlomo wesibeletho ngoba isibulala abanengi.

Umqondisi wesibhedlela seMpilo Central Hospital koBulawayo, uDokotela Solwayo Ngwenya uthi laloba umuntu ezinathela kuhle amaphilisi, imvukuzane yomlomo wesibeletho uyabasusela amanqe ngakho kabahlolwe sikhathi sonke.

"Lamuhla sikhuluma ngodaba lwabomama abanatha amaphilisi ehlisa igcikwane emzimbeni asebebulawa kakhulu yimvukuzane yomlomo yesibeletho."

Uqhubeke ekhuthaza ukuthi labo asebaqeda ukuzala ukuba bakhutshwe isibeletho. “Kuqakathekile ukuba omama abakuhlelo lweART Therapy bayehlolwa imvukuzane yomlomo wesibeletho ngemva kwenyanga eziyisithupha njalo labo asebaqeda ukuba labantwana bekuhlelo lweART Therapy sibakhuthaza ukuba bakhutshwe isibeletho lomlomo waso .”

UDokotela Ngwenya uthi imihlobo yemvukuzane yesibeletho minengi kodwa isuka ibelobudlelwano legcikwane lengculaza ibe isihlasela ngolaka.

“Umkhuhlane wemvukuzane yomlomo wesibeletho isuka isebenze kakhulu legcikwane lengculaza ihlasele abesifazana abakuhlelo loART Therapy masinyazana okubanzima ukuba belatshwe"

EZimbabwe uthi ikhona imithi yovikela imvukuzane kodwa ayeneli umuntu wonke. “Imithi evikela umkhuhlane wengculaza ehlukeneyo ikhona ezweni kodwa ayeneli wonke umuntu."

Uqhubeka echasisa ezinye izibonakaliso zemvukuzane le, uNgwenya.
“Kumvukuzane yomlomo wesibeletho inengi labomama bavame ukopha bacabane ukuba basesikhathini kanti akunjalo. Abanye benaya emacansini balakho ukopha ngakho akufanelanga ukuba owesifazana ahlale esopha."

Kodwa uthi zikhona indlela zokwelapha imvukuzane le. “Umkhuhlane wemvukuzane ulendlela yokwelatshwa kuleli, abanye bayasikwa kukhutshwe lapho imvukuzane eyabe isithe yahlasela kuthi abanye bayatshiswa ngendlela yesilungu konke lokhu kulemitshina yakho esebenza nakhona ukwelapha imvukuzane "

Umkhokheli welinye lamacele aweMDC, uNkosazana Thokozani Khuphe owasinda kumvukuzane yebele, wasungula inhlanganiso ekhankasela imfundiso yokulimukisa ngemvukuzane yebele kanye lokwehlisa kwentengo yokuyelapha.

“Thina njengeThokozani Khuphe Foundation sakhankasela ukuhlolwa lokwelatshwa kwemvukuzane eduzane labo ukuze bayehlolwa, ukuthenga lula kwemithi yokwelapha imvukuzane njalo silezibhedlela ezimbalwa ezelapha imvukuzane njalo lokhu sekwenze ukuba abantu baphumele egcekeni nggalo umkhuhlane."

Inyanga kaMfumfu yahlelwa ngumhlaba jikelele ukuqakathekisa imikhankaso yokulimukisa uzulu ngomkhuhlane weMvukuzane ye bele, iBreast Cancer Awareness Month ngoba isithethe impefumulo yabantu abanengi njalo ayikhethi ukuba ihlasela siphi isigaba sabantu. Imvukuzane yomlomo wesibeletho yona ibikwa sekuyiyo ekhokhelayo ekuthatheni impefumulo yabesifazana abakuhlelo lweART Therapy.

Lumkhuhlane uhlasela omama lehlekana labobaba, abantwana, amantombazana labafana. Abantu sebekhuthazwa ukuyahlolwa kungela mbadalo ezibhedlela zakoBulawayo eUBH leMpilo Central Hospital.

please wait

No media source currently available

0:00 0:04:55 0:00

Facebook Forum

XS
SM
MD
LG