amalinks wokungena

Breaking News

Osomabhizimusi Bamukela Ukuyekethiswa Kweziqondiso Zokuvalwa Kwelizwe


Two elderly women shop for mealie meal and other basic commodities, March 14 2019, in the Mutoko rural area of Zimbabwe. Eastern Zimbabwe receives help to fight drought induced hunger.

Osomabhizimusi sebamukele ngenjabulo inyathelo likaMongameli Emmerson Mnangagwa lokubavumela ukuvula amabhizimusi abo lanxa nje ilizwe lilokhe livaliwe.

Eqhelisa isikhathi sokuvalwa kwelizwe ngamanye amaviki amabili ngoMvulo, uMnangagwa uthe amankampani azimeleyo kanye labamabhizimusi amancane abazisebenzayo sebengavula.

Kodwa uthe kumele baqale balandele zonke iziqondiso ezabekwa yiWorld Health Organization ngenjongo yokivimba ukumemetheka kweCoronavirus.

Iziqondiso lezi zigoqela ukuhlola izisebenzi lokuzitholisa izinto ezifana lama-sanitizer.

Lokhu kwamukelwe zinhlanganiso zabosomabhizimusi ezifana leZimbabwe Chamber of Informal Economy Association, iEmcoz kanye lenhlanganiso yeBulawayo Vendors and Traders Association.

“Thina kutsho ukuthi sesizabuyela emsebenzini. Lokho kuyasithokozisa njengeBVTA ngoba thina isikhathi sonke besivele singabantu abakhankasela ukuthi silinganise iizamo yokulwisana legciwane lendlela zokuziphilisa,” kutsho isiphathamandla seBulawayo Vendors and Traders Association uMnu Aleck Ndlovu.

UNdlovu wengeze wathi ukuze balandele kuhle iziqondiso zokuvikela umkhuhlane we-coronvirus, kumele uhulumende angenele kudaba lokusilela kwamanzi koBulawayo.

Izisebenzi lazo zithi ziyathokoza ngokwengezwa kwamahola okusebenza.

Kodwa unobhala jikelele weZCTU uMnu Japhet Moyo uthi ukuqheliswa kwe-lockdown ngamaviki amabili yikwengeza ubunzima uzulu avele ebhekane labo.

“Kutsho ubunzima kuzisebenzi ezithize ebezisezindlini zingaholi njengoba amankampani amanengi evaliwe. Kuzisebenzi-ke amaviki amabili la yindlala,” kutsho uMnu Moyo.

Lanxa kungazakali ukuthi iyozala nkomoni ngemva kwamaviki amabili, abanye bathi bakhangelele ukuthi uMnangagwa avule ilizwe.

Ingcwethi kwezenotho uMnu Reggie Shoko utshele iStudio 7 ukuthi lanxa ukuvalwa kwelizwe kuthwalisa abantu abazisebenzayo nzima, kuncedile nanku umkhuhlane weCovid-19 ukhanya ususehla elizweni.

please wait

No media source currently available

0:00 0:05:14 0:00

Facebook Forum

XS
SM
MD
LG