amalinks wokungena

Breaking News

Osomabhizimusi eZimbabwe Bancoma Umkambo weCOMESA


Map of COMESA (World Bank)
Map of COMESA (World Bank)

Abamankampani amakhulu angamalunga enhlanganiso yeConfederation of Zimbabwe Industries (CZI) bamukela ngenjabulo okuphume emhlanganweni wokudinga amadlelo aluhlaza emikambo elakho ukutholakala enhlanganisweni yezokuthengiselana eAfrica eye Common Market for Eastern and Southern Africa (COMESA).

Lumhlangano ungenwe ngosomabhizimusi bamankampani amakhulu labameli be COMESA behluza indaba eziqakathekileyo kwezokuthengiselana.

UNkosikazi Cynthia Malaba, olilunga le CZI, uthi umkambo we COMESA muhle kakhulu ngoba ubanzi njalo ulabathengi abanengi okusuthisa osomabhiimusi abatshiyeneyo kungela kubangisana. Uthi noma kunjalo inkinga ababhekana layo yikuba akulula ukungena lokusebenza kulumkambo:

Umongameli we Confederation of Zimbabwe Industries, uMnu. Sifelani Jabangwe, uthi indubo zinengi kakhulu enkulu yazo kuludubo lokudingakalayo okungenza kube lula ukuthengiselana okugoqela ukuthwalwa kwezinto.

UNkosikazi malaba uthi ithuba lokuthengiselana lamazwe amanengi kangaka lingaphathisa amabhizimusi ngoba eyabe eselungisa imphahla ngobunengi bazo ngasikhathi sinye okucina kusehlisa indleko yokuzilungisa kwenze ukuba lentengo yempahla yabo yehle kulawo mazwe iphinde yehle laseZimbabwe ngoba okwamanje intengo yokulungiswa kwazo elizweni iphezulu kuleyakwamanye amazwe.

“Lokhu kwenzakala ngesikhathi amabhizimusi aweZimbabwe evala aseleyo ethwele nzima kumisebenzi yawo.inengi labosomabhizimusi likhala ngemithetho ekhona elizweni engumgoqo okwenza inengi lamankampani asebenze okwesilinganiso sokungamatshumi amathathu ekhulwini -30%.

“Asesebenza ngokugcweleyo malutshwana kakhulu agoqela awokulungisa okufela emlonyeni ama biscuits, ucago lama bhizimusi alungisa ama plastic le packaging abikwa esedinga imikambo engezelelweyo.”

Inhlanganiso ye-COMESA ngumkambo omkhulu olamazwe afika phose kwangamatshumi amabili egoqela amazwe afana le Djibouti, Egypt, Malawi, Kenya ,Madagasca ,Rwanda, Seychelles, Comoros lamanye.

XS
SM
MD
LG