Osomabhizimusi kanye lozulu sebecele uhulumende ukuthi esule umthetho owethulwe nguMongameli Emmerson Mnangagwa oweStatutory Instrument 127 osubangele ukukhwela kwentengo yezinto ezitolo.
Umthetho lo ujezisa osomabhizimusi abala ukwamukela idola leZimbabwe njalo ubaphoqa ukuthi bahlele intengo yembahla zabo belandela isilinganiso sokuthengiswa kwemali emkambo obekwe nguhulumende, i-exchange rate ye1:84.
Lokhu kubikwa kuyikho okubangele ukuthi intengo yezinto phose zonke ikhuphuke.
Osomabhizimusi bathi nxa ungesulwanga lumthetho uzabangela ukuthi kube lokusilela kwezinto ezibalulekileyo empilwni kazulu ezitolo.
Kodwa unobhala jikelele wenhlanganiso yezisebenzi iZimbabwe Congress of Trade Unions (ZCTU) uMnu Japhet Moyo utshele iStudio 7 ukuthi kaboni uhulumende ewesula lumthetho.