WASHINGTON —
ICOPAC ithi uhlelo lokufundisa abantu okumunyethwe lugwalo olukhangelelwe ukuba yisisekelo sombuso esitsha olwe Outreach Program oluqalise ngoMvulo aluphumelelanga koBulawayo ngoba bekulo lomuntu oyedwa kuphela eKillarney Hall labayisikhombisa eLockview Primary School abeze kulimihlangano.
UMnu. Believe Gaule, isiphathamandla seCOPAC ugcizelele lesisehlakalo, wengeza wathi inkokheli kahulumende koBulawayo izahlangana ngoLwesibili ukucubungula loludaba.
Kodwa omunye umgcinisihlalo we COPAC, uMnu. Douglas Mwonzora, utshele iStudio 7 ukuthi uhlelo lolu luqhubeke kakuhle kwezinye izigaba zelizwe, lanxa abantu bekhalaze ukuthi baphiwe isikhathi esiqondileyo esikhomba ukuthi imihlangano le iqalisa nini.
UMnu. Gaule uthi mhlawumbe ukwazisa ngemihlangano le kumaphephandaba, lokuqhuba loluhlelo ngesi phange-phange yikho okubangele ukuthi kube labantu abalutshwana.
UMnu. Ambrose Sibindi, isiphathamandla senhlanganiso elwela amalungelo ezakhamizi eyeBulawayo Progressive Residents Association utshele uSithandekile Mhlanga weStudio 7 ukuthi ngabe iCOPACcele ukuncediswa yinhlanganiso enjengeyakhe ukuqoqa abantu.
USibindi ungezelele wathi inhlanganiso yakhe isiqalisile ukwazisa abantu ngemihlangano efanayo ngoLwesibili eBarham Greem le Small City Hall.
UMnu. Believe Gaule, isiphathamandla seCOPAC ugcizelele lesisehlakalo, wengeza wathi inkokheli kahulumende koBulawayo izahlangana ngoLwesibili ukucubungula loludaba.
Kodwa omunye umgcinisihlalo we COPAC, uMnu. Douglas Mwonzora, utshele iStudio 7 ukuthi uhlelo lolu luqhubeke kakuhle kwezinye izigaba zelizwe, lanxa abantu bekhalaze ukuthi baphiwe isikhathi esiqondileyo esikhomba ukuthi imihlangano le iqalisa nini.
UMnu. Gaule uthi mhlawumbe ukwazisa ngemihlangano le kumaphephandaba, lokuqhuba loluhlelo ngesi phange-phange yikho okubangele ukuthi kube labantu abalutshwana.
UMnu. Ambrose Sibindi, isiphathamandla senhlanganiso elwela amalungelo ezakhamizi eyeBulawayo Progressive Residents Association utshele uSithandekile Mhlanga weStudio 7 ukuthi ngabe iCOPACcele ukuncediswa yinhlanganiso enjengeyakhe ukuqoqa abantu.
USibindi ungezelele wathi inhlanganiso yakhe isiqalisile ukwazisa abantu ngemihlangano efanayo ngoLwesibili eBarham Greem le Small City Hall.
