amalinks wokungena

Breaking News

Owake Wasebenzela iFacebook Ukhuthaza iMelika Ukuthi Ifakele Linkampani Imigoqo


Frances Haugen

Iphalamende yeMelika izolo yamukele ubufakazi obuvela kowesifazana owake wasebenzela iFacebook, yena okhuthaze lelidale ukuthi lingenele lilawule indlela linkampani esebenza ngayo ngoba iqhuba inhlelo ezilimaza abantwana njalo eziphehla inzondano.

UNkosazana Frances Haugen utshele ikhomithi yedale leSanate ebona ngezokuthengiselana ukuthi linkampani iyakwazi mhlophe ukuthi inhlelo zayo zilomthelela omubi kodwa ayizimiselanga ukuthatha amanyathelo ngoba lezonhlelo ziyilethela inzuzo enkulu.

Wengeze wathi inkundla yeInstagram ikakhulu, ilimaza abantwana abangamankazana ngokubethulela imbiko ebadukisayo.

Usole njalo iFacebook esithi ilimaza umbuso okhululekileyo (democracy) eMelika njalo iphehla inzondano ecina ibangela ukulwisana kwabantu ngemihlobo emhlabeni jikelele njengalokhu okwenzakala kweleEthiopia.

Ngokunjalo, uthe uhulumende weMelika kumele athathe amanyathelo. Inkampani le yona yethule owayo umbiko ilandula konke okukhulunywe nguNkosazana Haugen.

Iziphathamandla zeFacebook zike zamiswa eCongress kumalanga edluleyo zayilandula njalo imbiko yokuthi linkundla iqhuba inhlelo ezilomthelela imubi ebantwini ngoba igijimisa imali.

Intathelizindaba uSimbarashe Nembaware utshele iStudio 7 ukuthi uvumelana lokukhulunywe nguNkosikazi Haugen ngoba kukunengi okubi okwenzakalayo ngenxa yeFacebook.

please wait

No media source currently available

0:00 0:03:27 0:00

Facebook Forum

XS
SM
MD
LG