amalinks wokungena

Breaking News

Owayengumongameli weZimbabwe uMnu. Robert Mugabe Kasekho


UMnu. Robert Mugabe

Owayengumongameli weZimbabwe uMnu. Robert Mugabe kasekho. UMnu. Mugabe, obeseleminyaka engamatshumi ayisitshiyagalolunye lanhlanu-95, ubegula njalo ehlezi eselatshwa eSingapore.

Owayengumongameli weZimbabwe uMnu. Robert Mugabe kasekho. UMnu. Mugabe, obeseleminyaka engamatshumi ayisitshiyagalolunye lanhlanu-95, ubegula njalo ehlezi eselatshwa eSingapore.

Umdeni wakhe ubikwa utshele umsakazo we BBC ukuthi ngempela kasekho.

Esethula umbiko wakhe enkundleni yebulenjini eyetwitter le facebook, umongameli Emmerson Mnangagwa uthe uMnu. Mugabe walwela inkululeko yelizwe njalo inhlelo zakhe zazingezokuthuthukisa impilo yabantu bakhe.

Uthi wamukele lumbiko ngokudana okukhulu.

Inengi seliveze imbono etshiyeneyo ngokutshona kukaMnu. Mugabe, abanye besithi wayengumkhokheli ololunya, kodwa abanye besithi wayeliqhawe.

Abanye njalo bathi utshone engaxolisanga ngodaba lweGukurahundi, lapho okwabulawa inkulungwane lenkulungwane zabantu eMatabeleland leMidlands ngaphansi kombuso wakhe ilizwe lisanda ukuthola uzibuse.

UMnu. Mugabe wayengumongameli kusukela ngomnyaka ka 1980 ilizwe lisanda ukuthola uzibuse kusiya ku 2017 lapho akhutshwa khona libutho embusweni, kwathi owayengumsekeli wakhe uMnu. Mnangagwa wathatha intambo zombuso.

Kodwa ibutho lithi wazitshiyela umsebenzi esenqabela ukukhutshwa lidale lephalamende nge impeachment. Lalimgcona ngokuthi wayesebenza labantu abalenkohlakalo, okuyikho okwabangela ukubhidlika komnotho welizwe.

UMnu. Mugabe wazakala ngohlelo lokuthathela abelungu elizweni amapulazi, ewapha abansundu kungelambadalo, okuyikho athi kwabangela ukuthi amazwe aphetsheya ethese eleZimbabwe izijeziso, ezabangela ukuwa komnotho welizwe.

Facebook Forum

XS
SM
MD
LG