Owesifazana ophuma eZimbabwe owayengabonakali eRamotswa kweleBotswana utholakale eseyephukile amathambo engalweni ngemva kokuwela emgodini wahlala khona okwamalanga alitshumi lanye, njalo udinga imali efika inkulungwane ezingamatshumi amabili zamapula-2 000 pula ukuthi elatshwe.
UNkosazana Patience Sibonisiwe Moyo, uthi wayabona umgane wakhe ephuma emsebenzini eRamotswa, mhlaka 9 kuyonale inyanga. Umngane lo wayesiya eZimbabwe ukuyalungisa incwadi yakhe yokuhambisa eye passport, njalo efuna ambambele umsebenzi aze aphenduke.
Uthe esephindela endlini, mhlawumbe waphambuka endleleni ngoba wazibona ephaphama esegodini ebusuku waze wahlengwa mhlaka 20 sokwedlule amalanga alitshumi elokhe esegodini.
UNkosazana Moyo uthi umgodi lo waba yisambuzi sakhe kanye lendlu yakhe okwamalanga wonke la, kukanti kwakumanzi njalo engalali kuhle.
Uthi kwalulenyoka eyayike iphume emlindini wayo ibhoda-bhode, kodwa ingamlumi.
Lanxa wayelomakhalekhukhwini wakhe, imlayezo ayezama ukuthi iyefike kumdeni wakhe labangane yayingayindawo ngoba kungela network.
Uthi wayezama ukuyijikela phandle ukwenzela ukuthi ithumele ama messages la, kodwa yayingafiki phezulu; ibuyela njalo emgodini ngoba eyiphosa ngesandla sokhohlo, kulandela ukulimala kwesokunene ayiso asisebenzisayo.
“Ngamemeza ngaze ngatsha ilizwi kungelamuntu ongizwayo…Kwesinye isikhathi ngangikhala, ngihlabele, kumbe ngikhuleke ukuthi ngingafeli kuleligodi,” kulandisa uNkosazana Moyo.
Uthi wayesesaba ukufela emgodini ngoba umdeni wakhe ungasoze umthole njalo labantwabakhe besale bengelanina. ukuthi
Wahlengwa ngemva kokuba owesifazana oyinyanga, edlule eduzane lalelogodi evela hlamba abesilisa labesifazana egangeni. Uthi omunye wabafana waqunga isibindi wamhlenga esebenzisa umgqomo we drum, owake waqamuka, kodwa wazama njalo, ngesikhathi abanye besesaba ukuwela emgodini.
Abafuna ukusiza uNkosazana Patience Sibonisiwe Moyo bengathumela imali ku Botswana Orange Money 00267-75095946, kumbe kuBotswana Mukuru 00267-74648283 ngebizo lika Nolwazi Ndlovu, lase South Africa ku bank account ka P.N Masuku, Capitek Bank, Account number 1391575251.Ukumthinta kumakhalekhukhwini/whattsup +267 74 648 283 okaNolwazi Ndlovu.