amalinks wokungena

Breaking News

Woza Friday: UPatience Masokana Uthi Umculo weDisco Umtshaya Ngaphakathi


Patience Masokana

Kuhlelo Woza Friday kuliviki silomculi ogxile kumdumo wengoma ze Disco, uPatience Masokana odabuka emangweni owePlumtree.

Abaculi abanengi abadabuka emangweni owePlumtree badume ngokucula umdumo weTshibilika kumbe iRhumba okungumculo ogijimayo kodwa namhlanje silcomculi weDisco. Ngena ubingelele abalaleli ntombi yakithi.

Patience Masokana
Patience Masokana

"Salibonani obulisa ngothando nguPatience Masokana, owazalelwa ePlumtree eTshehanka. Wafunda iprimary level yakhe eTshehanga primary school. Isecondary yakhe wafunda eMsitheli secondary school eMpopoma. Ngabuya ngqedelela isecondary level yami Ekuphakameni secondary school eLupane eDongamuzi. Ukucula ngiqale ngo 2014 as a backing vocalist."

UPatience usebenze kakhulu encedisa abaculi abanengi engovumelayo kumculo yabo nxe besenza imicimbi. Laye ke sezimele yedwa okwamanje.

"Kwazothi ngo 2018 ngaqala eyami ialbum enesihloko esithi Bulilimamangwe, ngizibiza ngo Patience Masokana njalo nasemculweni. I-album iphume last year so ngamafitshane ngisane Album eyodwa."

UPeshy njengentombazane yesiKhalangeni kalandelanga inengi lakibo elicula iRhumba kumbe iTshibilika kodwa ukhethe ukungena kumdumo weDisco.

Patience Masokana
Patience Masokana

"Kuyikuthi konke lokucula kusukela ekuthandeni u the late Mr. Dan Tshanda no the late queen usisi Patricia Majalisa engakamamela at an early age. Ngasengikhetha iDisco ngoba lomculo ungumthoba nhliziyo phela kodabukile. Kojabulile uletha imore fire njalo awugugi lomculo bakithi kuguga umuntu lembatata. Labantu baye bawuthakazelela umculo wami ngoba nje uvuselela leyo vibe yakudala."

Kuzwakele ntombi, phosela izwi kubalaleli utsho lokuthi bangakuthola nga.

"Thando kubantu lesapoti ngingayijabulela ngoba izowenza umehluko empilweni yami yomculo, njalo ngitholakala ku Istagram as uPatie Masokana laku Facebook as uPatie Masokana naku whatsapp as u+27833809297, +27833809297. Ngiyabonga.”

UPatience Masokana uthi kabuyeli emuva kwezomculo njalo ufuna ukuba yindlovukazi eZimbabwe kwezomculo weDisco aphakamise umango adabuka kuwo owePlumtree.

Facebook Forum

XS
SM
MD
LG