amalinks wokungena

Breaking News

Mnangagwa: UPerrance Shiri Ubulewe yiCOVID-19


Perrence Shiri

UMongameli Emmerson Mnangagwa uthi obengumphathintambo wezokulima, uPerrance Shiri, ubulewe ngumkhuhlane weCOVID-19.

UMnangagwa wethule umbiko lo ngoLwesihlanu esililweni sika Shiri eHarare.

Uthe kumele balandele iziqondiso zokulwisana lokumemetheka komkhuhlane lo ezethulwa yinhlanganiso yeWorld Health Organization ekungcwatshweni kwakhe.

Kungalandelwa iziqondiso lezi, abantu abalutshwana kakhulu bakhangelelwe ukuthi bazamngcwaba eNational Heroes Acre.

UShiri wake wakhokhela iFive Brigade, eyalolongwa ngamabutho eNorth Korea, eyabulala abantu abedlula inkulungwane ezingamatshumi amabili – 20,000 eMatabeleland leNkabazwe ngesikhathi kusabusa umuyi uRobert Mugabe, owayelwisa umuyi uJoshua Nkomo webandla lePF Zapu.

Banengi kakhulu abantu abasola ukuthi uShiri wenziwe iqhawe lesizwe ngenxa yokuthi wakhokhela ibutho elabulala abantu abanengi okumangalisayo.

Kodwa abanye kubandla leZanu PF bathi wenze kahle uhulumende obusayo ukumnika isicoco seqhawe lesizwe.

Facebook Forum

XS
SM
MD
LG