amalinks wokungena

Breaking News

Umthethwandaba Ufumana UPeter Ndlovu Engelacala


Peter Ndlovu

UPeter Ndlovu ufunyenwe ngumthethwandaba kamantshi engela cala lokutshayela kubi imota engozini yomgwaqo ebulele umnewabo, uAdam Ndlovu nyakenye.

Umdlali wenguqu olodumo u-Peter Ndlovu ufunyenwe ngumthethwandaba kamantshi engela cala lokutshayela kubi imota yakhe eyabhewuka eduzane le Victoria Falls nyakenye ebulele umnewabo, u-Adam Ndlovu.

Umantshi u-Archibald Dingana uthethe isinqumo lesi e-Victoria Falls esithi kuswelakale ubufakazi obukhomba ukuthi uNdlovu ubetshayela imota ngendlela ephula imithetho yelizwe yemigwaqo.

UPeter ulimale kakubi engozini le ebulele umnewabo u-Adam loNkosazana Nomqhele Tshili. UPeter, owadlalela i-Highlanders Football Club, i-Coventry City, Birmingham le Shefield United eBhilithane, okwamanje ngomunye wabaqeqetshi beqembu lenguqu le Zimbabwe.

Kolunye udaba oluphathelane lomdlalo wenguqu, inhlanganiso yamaqembu adlala esigabeni esiphezulu ese Premier Soccer League ithi amaqembu alemvumo yokukhweza inhlawulo emagedini nxa efuna ukwenza imali ethe xaxa.

UMnu. Kennedy Ndebele umqondisi we PSL uthi loba inhlanganiso le ilesinqumo sokuthi inhlawulo yokungena emagedini lapho okubukela khona abanengi kumele ibe ngamadollar amathathu.

Lokhu akuvaleli amaqembu ukuthi ayikhuphule ukwedlula lapho. UNdebele uthi amaqembu amanengi abhekane lohlupho lokuthola imali njengoba leyo okumele ivele ku PSL yabelwa ekupheleni komnyaka. Lokhu kubangela ukuthi amaqembu akhale ngokuthi inhlawulo yamagedi kwesinye isikhathi iphansi ikakhulu nxa kungqikilana athandwa nguzulu.

Abasekela inguqu bekuhlanganiso ye Zimbabwe Soccer Supporters’ Association bathi ukukhuphula inhlawulo emagedini kwenza ukuthi bengenelisi ukubukela imidlalo ngenxa yokuswela imali.

Abantu babhadala amadollar amathathu lapho okubukela abanengi, abalemali engconywana bahlawule amahlanu - $5 kuthi-ke izikhulu ezibukela zisesigabeni se v-i-p zikhokha alitshumi - $10.

UPeter Dube umgcinisihlalo we Highlanders Football Club uthi iqembu lakhe lijayele ukukhuphula inhlawulo yamagedi nxa lidlala ledynamos kumbe amanye amaqembu athandwa nguzulu.

please wait
Embed

No media source currently available

0:00 0:02:11 0:00
Lapho esitholakala khona
XS
SM
MD
LG