amalinks wokungena

Breaking News

UKembo Mohadi Uthi Amasotsha Lamapholisa Bazakwenza Ukuthi Abantu Balandele Iziqondiso zeCOVID-19 Lockdown


Umsekeli kamongameli, uMnu. Kembo Dugishi Mohadi.

Obambe isikhundla sikamongameli okwesikhatshana, uMnu. Kembo Mohadi, uthi amasotsha lamapholisa azavimba aabantu ukuba bengahambahambi inyanga yonke ukwenzela ukunqabela ukumemetheka komkhuhlane weCOVID-19.

UMohadi, okhulume lomsakazo weZimbabwe Broadcasting Corporation ngeSonto eHarare, uthe kukhangelelwe ukuthi amasotsha lamapholisa avimbe ukwenzela ukuthi kungabi lomuntu ozabanjwa ngumkhuhlane lo, obulele abantu abayisitshiyangalombili ngoMgqibelo.

Uthe kusobala ukuthi abantu abanengi kwele Zimbabwe kabalandeli iziqondiso ezethulwa yinhlanganiso yeWorld Health Organization ezenza ukuthi abantu bazivikela njalo bavikele abanye kumkhuhlane weCOVID-19.

Uphinde wathi okunye okwenza kumemetheke umkhuhlane lo yikuthi abanye abantu badinga amaphepha okuzibazela aveza ukuthi kabala COVID-19 nxa besiya kwamanye amazwe kumbe bevela emazweni atshiyeneyo.

UMohadi uthe lokhu yikwephula umthetho okuphezulu ngakho-ke bazajeziswa okumangalisayo abatholakala besephula iziqondiso zokuvimba ukumemetheka komkhuhlane lo ngesikhathi seLockdown okumele iqhitshwe ekupheleni kuka Zibandlela.

Uthe abantu kumele bahlale ezindlini baphume kuphela nxa kulesizatho esiqakathekileyo.

Kulabantu abedlula amakhulu amane – 407 abahlolwe ngoMgqibelo batholakala bele COVID-19 kwathi abayisitshiyangalombili babulawa ngumkhuhlane lo.

Facebook Forum

XS
SM
MD
LG