amalinks wokungena

Breaking News

Selidumela Emansumpeni Ukuthi Kwenziwe Ukhetho Oluqakathekileyo eZimbabwe


UMnu. Qhubani Moyo (S. Mhofu/VOA)

Annastacia Ndlovu

Sokusele amahola ambalwa ukuthi abantu bavote kwele Zimbabwe kukhetho oluqakathekileyo. Uzulu uzavotela amakhansila, amalunga eldale lephalamende kanye lomongameli omutsha.

Ikhomishini ebona ngezokhetho eyeZimbabwe Electoral Commission ithi amalungiselelo okhetho asekuzinga eliphezulu.

Ukhomishina weZEC, uDokotela Qhubani Moyo, abantu abazavotise sebesendaweni lapho abantu abazavotela khona njalo lakho konke okufunakalayo sokwenziwe.

“Konke obekumele iZEC ikwenze ekuqhubeni ukhetho sesikwenzile sesilinde ukuba abantu bayeqala ukuvota ngehola lesikhombisa ekuseni sikhangelele ukuqeda ngesikhathi esifanayo ntambama.”

UDokotela Moyo uthi wonke umuntu kumele avote kusasa. Uthi uzulu akumelanga alandele imibiko ethi abedolobheni bayavota kusasa kuthi abahlala emaphandleni bayavota ngoLwesibili.

“Abantu bangalaleli amanga asenkundleni zobulembu athi abantu bayavota amalanga amabili, wonke umuntu uyavota kusasa kuphela ngemva kwalokho siqale ukumemezela impumela yokhetho.”

Isakhamuzi sakoBulawayo, uMnunzna Mandla Tshuma, yena uthi uselinde ukuyavota njalo ukhangelele ubukhokheli obutsha.

“Sengilinde ukuvuka ngisiyavota kusasa njalo isifiso sami yikuba lobukhokheli obutsha hatshi lobu ebesiphila ngaphansi kwabo okweminyaka edlula amatshumi amathathu.”

Omele iZAPU eBulawayo Central kukhetho lokudinga ozakubalilunga ledale lephalamende, uMnu. Iphithule Maphosa, uthi sebelinde ukhetho okumele luqhutshwe ngokuthula.

“Sesisebenzile ngesilakho sesilinde ukhetho kusasa olulokuthula kanye lempumela eqotho.”

Kulabantu abedlula izigiqi ezingamatshumi amahlanu abazavota kukhetho oluzayo. Abancintisa ukhetho lokudinga umongameli omutsha bangamatshumi amabili lambili.

Abantu Bathi Sebemelele Ukhetho
please wait

No media source currently available

0:00 0:03:23 0:00

Facebook Forum

XS
SM
MD
LG