amalinks wokungena

Breaking News

RBZ: Sizakwethulela Uzulu Ama Bond Notes NgoMvulo


Usibalukhulu weReserve Bank of Zimbabwe, uMnu. John Mangudya.
Usibalukhulu weReserve Bank of Zimbabwe, uMnu. John Mangudya.

Ibhanga elikhulu leZimbabwe eleReserve Bank lithi imali yohlobo lwama bond notes izaqalisa ukusebenza ngoMvulo.

IRBZ, eyethule umbiko lo ngoMgqibelo, ithe imali le izafakwa emabhanga lapho uzulu azakwenelisa ukuyithatha khona.

Ibhanga leli lithe isimo semali le sizavezelwa uzulu ngelanga lokwethula imali yama bond notes.

IRBZ ithe ama bond notes la azabe engama $1 lama $2 alesisindo esifika izigidi ezilitshumi lambili zamadollar - $12 million.

Ibhanga leli lithe imali le isekelwa yileyo okubikwa ukuthi yatholwa phandle kwelizwe.

Ithe uzulu uzabe elokhe esebenzisa indlela ezikhona zokufakwa lokuthathwa kwemali emabhanga lobanje umuntu ngamunye ekhangelelwe ukuthi uzabe ethola amatshumi amahlanu ama bond notes ngelanga emabhanga eZimbabwe.

Ngeviki umuntu ngamunye ukhangelelwe ukuthi uzathola ama bond notes alikhulu lamatshumi amahlanu kuphela.

IRBZ icele ukuthi uzulu abikele ibhanga leli abantu abazabe bedabula kumbe begcina ama bond notes amanengi.

XS
SM
MD
LG