WASHINGTON DC —
Ibhanga elikhulu lelizwe eleReserve Bank of Zimbabwe (RBZ) izolo lethule amanye njalo amagama abantu elithi abasavunyelwa ukwamukela kumbe ukuthumeza imali enkundleni ezitshiyeneyo kubomakhalekhukhukhwini ngoba betshintsha imani ngaphandle komthetho.
Abantu laba bangamatshumi phose amahlanu, 47.
Kumaviki edluleyo ibhanga leli lichaye njalo amagama abantu abangamatshumi amathathu, 30, elithi benza imisebenzi efanayo.
Ngokunjalo, usibalukhulu weRBZ uMnu John Mangudya wazise ukuthi abantu laba abasavunyelwa kulezinkundla. Phakathi kwabantu laba, akekho ongusaziwayo.
Ohlaziya ezombusazwe uMnu Mthulisi Hanana utshele iStudio 7 ukuthi abasolwa laba yizephulamthetho ezincane nje. Wengeze wathi ingqungquthela ezibulala umnotho welizwe azibotshwa.