WASHINGTON —
UMongameli Robert Mugabe uthi akulamuntu okubandla leZanu PF khonamanje ongathatha isikhundla sakhe.
Ekhuluma njengenhlangayenza ngesikhathi sokuzananzwa ilanga lokuzalwa kwakhe, uMugabe uthi abantu abakhona okwamanje kabathandwa nguzulu ngendlela othandwa ngayo ngabantu.
Uthi banengi abafuna isikhundla sakhe kodwa kaboni lokhu kusenzakala.
Amazwi akhe la abuye ngesikhathi uMugabe esekhethwe ukuthi uzamela ibandla leZanu PF kukhetho lukamongameli oluzakwenziwa ngomnyaka ka2018.
UMnu. Emmerson Mnangagwa kukhanya efisa ukungena esikhundleni sikamongameli kodwa amazwi kaMugabe asememuke ifutha emlonyeni.
Kulokuxokozela kubandla le Zanu PF kulabanye abafuna ukungena esikhundleni sikaMugabe ngesikhathi esithi kaphumi esikhundleni lesi.