amalinks wokungena

Breaking News

UMugabe Wenzani Okukhunjulwa Ngabantu Bakwele leZimbabwe?


URobert Mugabe loJoshua Nkomo ngomnyaka ka1987.

Sokulomnyaka kwabhubha owayengumongameli, umuyi uRobert Mugabe, owasuswa esikhundleni libutho ngomnyaka ka2017 libambisana loMongameli Emmerson Mnangagwa labanye.

Kulabanye abathi kukhona okubambekayo okwatshiywa nguMugabe kube labanye njalo abathi watshiyela uzulu inhlupho ezingapheliyo eZimbabwe.

UMugabe wafela esibhedlela eSingapore. Wayelesifo semvukuzane.

UMnu. Joseph Tshuma, owayemele iPelandaba Mpopoma edale lephalamende ekubandla leZanu PF, uthi kukhona okunye okubambekayo okwatshiywa nguMugabe.

Kodwa uMnu. Josphat Mzaca Ngulube, olwela ilungelo likazulu, uthi uMugabe watshiyela abantu inhlupho kuphela.

UMugabe wathi esanda kususwa esikhundleni wacela umanyano wenhlanganiso yezwekazi leAfrica eyeAfrican Union kanye leye Southern African Development Community ukuthi zingenele kulokhu ayebhekane lakho.

Inhlanganiso lezi zathandabuza okwakusethulwa nguMugabe owathi abasekeli bakhe kubandla leZanu PF babethwaliswe nzima ngamasotsha.

Abanye ababesekela uMugabe bacina besithi amasotsha enza kahle ukumsusa esikhundleni ngoba wayesephelelwe ngumphako.

Abancoma imisebenzi kamuyi bathi wakhuthaza ilizwe leZimbabwe ukuthi lakhe izikolo ezinengi lokunye esesembusweni.

Abadabuka eMatabeleland leNkabazwe bathi kabasoze bekhohlwe umbhuqazwe weGukurahundi owenzakala uMugabe esesikhundleni sikamongameli.

Facebook Forum

XS
SM
MD
LG