amalinks wokungena

Breaking News

Mugabe: Kangisoze Ngivotele Ibandla leZanu PF


UMnu. Robert Mugabe ekhuluma lentathelizindaba eHarare ngeSonto.

UMnu. Robert Mugabe, owayengumongameli wakwele Zimbabwe, uthi kasoze avotele ibandla leZanu PF.

UMugabe wethule lokhu lamuhla ngesikhathi ekhuluma lentathelizindaba eHarare. Uthe angeke avotela abantu abamsusa esikhundleni ngodlame.

“Ngingeke ngivotele ibandla leZanu PF. Ngingeke ngavotela abantu abangenze ngabanje. Sengike ngatsho ukuthi uNkosikazi (Joice) Mujuru loNkosazana (Thokozani) Khupe kabalalutho abalwethulela uzulu. Ngakho-ke uChamisa nguye okhona.”

UMugabe uthe kuyamangalisa ukuthi kulabantu abathi kasuswanga esikhundleni libutho.

“Omakhelwana bethi batshelwa amanga ngokuthi konke kwenziwa ngendlela eqondileyo. Batshelwa ukuthi kangisuswanga esikhundleni libutho. Ngamanyala la. Ngasuswa esikhundleni ngenkani. Ungeke wafaka amasotsha ezitaladini ezilemibhobho emkhulu kungenzakali lutho. Nxa kungasikho kususwa embusweni libutho, pho kuyini khonalokhu? Uyabe uhlaselwa ngubani? Akulamuntu yini oyabe ekuhlasela? Uyazihlasela? Uyabe utshengisela abantu ukuthi usuhluthune intambo zombuso. Yikho lokho!”

UMongameli Emmerson Mnangagwa wethule umbiko wokuthi uMugabe ufuna ukuphambanisa ukhetho lweZimbabwe ngakho-ke abantu kumele bavotele ibandla leZanu PF.

Ilunga lebandla leZanu PF, uMnu. Believe Gaule, uthi akumangalisi okwethulwe nguMugabe.

Kodwa-ke ilunga lomanyano weMDC Alliance, uMnu. Prince Dubeko Sibanda, uthi kuyajabulisa okwenziwe nguMugabe.

Ingcwethi kwezombusazwe, uMnu. Effie Dlela Ncube, uthi uChamisa ulakho ukubalekelwa ngabantu abangathakazeleli uMugabe.

UMugabe wasuswa embusweni libutho libambisana loMnu. Emmerson Mnangagwa lamalunga edale lephalamende. UMnangagwa uthi uMugabe wazisukela esikhundleni sikamongameli esesaba ukuthi uzakhitshwa lidale lephalamende.

Udaba Esilethulelwe NguBathabile Masuku
please wait

No media source currently available

0:00 0:02:33 0:00

Facebook Forum

XS
SM
MD
LG