amalinks wokungena

Breaking News

IZANU PF Ivimba Ukwabiwa kweBlue Roof 'Lezinye Izindlu' Zika Muyi uMugabe


Umnotho kamuyi uRobert Mugabe uzakwabiwa kusikhatshana esilandelayo ...

Ibandla leZanu PF lithi akukho emthethweni ukuthi umdeni kamuyi uRobert Mugabe ubhalise impahla egoqela indlu eyaziwa ngokuthi yiBlue Roof eseHarare ukuthi ibeyingxenye yelifa lakhe.

Iphephandaba leHerald libika ukuthi umdeni kamuyi ububhalise emthethwandaba wokwaba amalifa indlu le kanye lezinye ezimbili ezise Waterfalls leMt. Pleasant ukuthi ngezikaMugabe.

Igqwetha elimele ibandla leZanu PF, uMnu. Simplicious Chihambakwe, uthe kumele umdeni kamuyi unanzelele ukuthi izakhiwo lezi zingaphansi kwenkampani yebandla leli eyaziwa ngokuthi yi-M and N Syndicate.

Ephendula lokhu, igqwetha lemuli kaMugabe, uMnu. Terrence Hussein, uthe bazayiphatha ngonanzelelo impahla kamuyi eyabiwa yindodakazi yakhe, uNkosikazi Bona Chikore, owayethandwa nguyise okumangalisayo.

Kubikwa ukuthi uMnu. Paul Mangwana, unobhala obona ngezemithetho kubandla leZanu PF, uthi kusalungiswa indlela ezibalulekileyo zokunika umdeni kaMugabe iBlue Roof lendlu ehlala uBona Chikore lemuli yakhe.

Akwaziwa ukuthi uMugabe ubelempahla enengi okunganani. Lokhu kuzavezwa emthethwandaba.

IWikileaks yake yethula umbiko othi uMugabe wayelempahla efika ibhiliyoni lamadola eMelika.

Facebook Forum

XS
SM
MD
LG