amalinks wokungena

Breaking News

Rugare Gumbo: Ngabe uMnangagwa Wayelengqondo Enje Ngabe Asibanga Lodubo


Umnu. Rugare Gumbo

Owayeyisikhulumeli sebandla le Zanu PF, uMnu. Rugare Gumbo uthi uMongameli Emmerson Mnangagwa ubonakala njengomuntu ongathuthukisa umnotho welizwe. UGumbo wathi exotshwa ngomnyaka ka 2015 wakhuluma amazwi aqatha esola uMnangagwa esithi ngumuntu ongelabukhokheli obuqotho njalo olocuku njalo uyethusela abantu.

UGumbo wathi kazondi uMnangagwa uqobo lwakhe kodwa indlela aziphatha ngayo kwezombusazwe. Kumalanga ambalwa adluleyo kulemibiko ephume kumaphephandaba ethi uGumbo labanye abaxotshwa ku Zanu PF ababalisa uMnu. Didymus Mutasa balakho ukubuyela ebandleni le Zanu PF ngemva kokunxuswa ngabalwa impi impi yenkululeko.

UGumbo wayengomunye abakhokhela impi yenkululeko njalo esazakala njengomuntu olesibindi kuxuku elalithiwa yi Dare Rechumurenga.

Sixoxe loGumbo sambuza ngokuthi umbona njani umbuso kaMnangagwa.

“Ngokubona kwethu uMongameli ukhuluma kuhle. Into azikhulumayo zile sense. Nga kuthiwa wavela wayenza njalo sisemhlanganweni sonke nga asihlangananga lesakubonayo. Nga izinto zalunga,” kutsho uGumbo.

Uthi uMnangagwa ukhuluma ngokubambana, umbuso kantando kazulu lokunye okunengi nengi.

“Kodwa ekuqaleni sasingaboni izinto ngamehlo afanayo. Kodwa sizabona ukuthi akukhulumayo kuzaba yikho na akwenzayo,” kutsho uGumbo.

Ebuzwa ukuthi umkhokheli weMDC-T, uMnu. Nelson Chamisa yena umbona njani, uGumbo uthe: “Asazi, izinto lezi zifuna immaturity, zifuna iexperience. Umuntu wonke kumele aphiwe ithuba ukuthi abone akufanayo.”

Kodwa uGumbo usole indlela uChamisa angina ngayo esikhundleni esithi kalandelanga isisekelo sombuso webandla.

please wait

No media source currently available

0:00 0:02:53 0:00

Facebook Forum

XS
SM
MD
LG