amalinks wokungena

Breaking News

Sadc Lawyers Association: Uhulumende weZimbabwe Uyangenela Ekusebenzeni Kwezinkantolo


Zimbabwe elections

Inhlanganiso yamagqwetha ezansi yezwekazi leAfrica eyeSadc Lawyers Association, ithi ikhathazekile kakhulu ngokungenela kwezombusazwe endabeni zokuthethwa kwamacala eZimbabwe.

Umkhokheli walinhlanganiso uMnu Stanley Nyamanhindi uthi ucwaningo abalwenzileyo lukhomba ukuthi iyanda imikhuba yokugxamukela kukahulumende endabeni zokusebenza kwemithethwandaba.

Uthi ubufakazi butshengisa ukuthi abaphikisana lohulumende bancitshwa ithuba lokuhlawula imali ye-bail loba kusegcekeni ukuthi asikho isizatho sokwenza lokhu.

“Bunengi ubufakazi esibubonayo bokuthi kulokungenela kwabezombusazwe ekuhlahlulweni kwamacala alabo abaphikisana lohulumende,” kutsho uNyamanhindi.

Lumbiko uphuma kusanda kukhululwa amalunga ebandla leMDC Alliance uMnu Last Maengahama loMnu Tungamirai Madzokere ababegwetshelwe ukuhlala ejele okweminyaka engamatshumi amabili ngecala lokuthi babulala ipholisa.

Kodwa umthethwandaba weSupreme Court ubakhulule, osokwenze kwavela obala ukuthi ukugwetshwa kwabo bekuthintana lokuthi bangamalunga ebandla eliphikisayo.

Linhlanganiso isisole njalo lokhu ethi yikwethuselwa lokuthethiswa kwabahluli abethula izinqumo ezingathandwa nguhulumende.

Akukapholi maseko umphathintambo wogatsha lwendaba zemithetho uMnu Ziyambi Ziyambi ethule amazwi aqatha kubehluli abethule isinqumo sokuthi akukho emthethweni ukuthi uChief Justice Luke Malaba aqhubeke esebenza sekwedlule isikhathi sakhe sokuthi ayephumula.

Isikhulumeli sebandla leZapu kweleSouth Africa uMnu Carnicious Nkala uthi okukhulunywa yilinhlanganiso kuqotho njalo labo bakhathazekile ngakho.

Uthe uNkala: “Kakubuyelwe back ku-constitutionalism ihlonitshwe i-constitution yesizwe kungabi yikuthi abantu sebesenza santando bephule i-constitution. Sisola kakhulu okwenziwa ngama-parliamentarians, ukuvotela izinto eziyabe zingakho emthethweni.”

please wait

No media source currently available

0:00 0:03:25 0:00

Facebook Forum

XS
SM
MD
LG