amalinks wokungena

Breaking News

UScott Vincent Udlala Umdlalo Wesibili weGolf Emidlalweni ye2020 Tokyo Olympics


UScott VIncent

UScott Vincent uncintisane labanye namuhla emdlalweni wesibili oweMen’s Individual Golf Stroke Play eKasumigaseki Country Club kwele Japan kulandela ukudlala kwakhe ngoLwesine okudanise abantu abanengi.

Inhlanganiso yeZimbabwe Olympics Committee (ZOC), ephethe konke okuhambelana lemidlalo yeOlympics kwele Zimbabwe, ithi uScott uzame ngamandla wonke loba ecine namuhla ekusigaba sokungamatshumi amathathu lane – 34 phakathi kwabadlali abangamatshumi ayisithupha – 60.

IZOC ithi kuyathokozisa okwenziwe nguScott, owaqala ukudlala umdlalo we-golf okuzinga eliphezulu ngomnyaka ka2015.

Emdlalweni wakuqala ngoLwesine ubekusigaba sokungamatshumi amahlanu lambili – 52 phakathi kwabantu abangamatshumi ayisithupha – 60.

Ukhangelelwe ukuba uzadlala kusasa aphinde njalo ngeSonto.

Kusenjalo, uPeter Purcill Gilpin obencintisa emdlalweni we-rowing namuhla ubengowesibili kusibaya sika Group D. Uphutshe umdlalo lo ngemizuzu ethi 7:03.85. IZOC ithi ucine efakwa esigabesi sokungamatshumi amabili lambili – 20 phakathi kwabadlali abangamatshumi amathathu lambili – 32.

Akade bemele eleZimbabwe kumcintiswano wokubhukutsha – uDonata Katai loPeter Wetzlar sebephumile emidlalweni ye2020 Tokyo Olympic Games ngoba abenelisanga ukufika kuzinga eliphezulu emidlalweni le. UDonata usebuyele ekhaya.

Balakho ukumela eleZimbabwe emidlalweni efanayo kwele France ngomnyaka ka2024.

Facebook Forum

XS
SM
MD
LG