amalinks wokungena

Breaking News

Sebebahlanu Ababulawe yiCovid-19 koBulawayo Kuliviki Kulandela Ukubhubha Kwababili Izolo


Osebenza eWilkins Hospital utshengisa amalunga edale lephalamende akwenza eWilkins Hospital lapho okuhlolwa abantu abalemikhuhlane enjenge coronavirus. (Photo: Mlondolozi Ndlovu)

Inani lasebebulewe ngumkhuhlane weCovid-19 eZimbabwe selikhwele laya kumakhulu amabili alamatshumi phose amahlanu, 248, kulandela ukufa kwabantu ababili njalo koBulawayo izolo.

Umkhuhlane lo usugxile impande kulelidolobho njalo kuliviki kuphela usubulele abantu abahlanu.

NgoMvulo kubhubhe ababili kwathi ngoLwesibili kwatshona oyedwa, kwazothi izolo kwabhubha laba ke ababili.

Sokulenyanga idolobho lakoBulawayo kuyilo elikhokhelayo elizweni lonke jikelele ngenani lababanjwa lumkhuhlane kanye labafayo.

Ugatsha lwezempilakahle luthi phakathi kwabantu abalitshumi lasikhombisa ababanjwe iCovid-19 izolo, abalitshumi lanye ngabakoBulawayo.

Kulabathathu njalo beMasvingo, ababili abeMidlands kanye loyedwa oweManicaland.

Kulabangamatshumi amabili lanhlanu njalo abafunyanwe sebepholile. Phakathi kwabo abalitshumi lasitshiyangalombili ngabakoBulawayo.

Asebebanjwe umkhuhlane lo kuleli selokhu waqhamukayo sebengu8427 kuthi asebepholile bangu7967. Lokhu kutsho ukuthi abalokhu begula bangamakhulu amabili aletshumi lambili, 212.

I-Bulawayo yiyo ehamba phambili njalo ngenani labalokhu begula, bona abangu77 ilandelwa yiHarare elabangu63.

Isiphathamandla senhlanganiso yezakhamizi, iBulawayo Progressive Residents Association uMnu Thembelani Dube utshele iStudio 7 uthi bakhathazekile kakhulu ngokwenzakalayo kulelidolobho.

please wait

No media source currently available

0:00 0:04:40 0:00

Facebook Forum

XS
SM
MD
LG