amalinks wokungena

Breaking News

Sebengu-305 Asebebulewe yiCovid-19 eZimbabwe


FILE - A woman has her temperature checked by a health care worker during a nationwide lockdown to help curb the spread of the coronavirus, at a screening center in Harare, Zimbabwe, April 30, 2020.

Kuloyedwa obulawe yiCovid-19 eManicaland izolo labangamatshumi ayisikhombisa lane ababanjwe lumkhuhlane elizweni jikelele.

Lokhu kukhuphule inani lasebedliwe yilumkhuhlane eZimbabwe laya kumakhulu amathathu lanhlanu, 305.

Phakathi kwababanjwe lumkhuhlane izolo, abangamatshumi amathathu lanye ngabedolobho lakoBulawayo.

Kulabalitshumi eMatabeleland North, abathathu eMatabeleland South, abalitshumi lambili eMasvingo, abahlanu eMidlands, ababili eMashonaland West, ababili njalo eMashonaland Central labayisitshiyagalolunye eManicaland.

Ugatsha lwezempilakahle luthi kulabalikhulu lasithupha njalo abafunyanwe sebepholile. Inani lalabo asebebanjwe lumkhuhlane selokhu waqhamukayo likhwele laya ku-11081.

Asebepholile bakhwele baya ku-9253 kuthi abalokhe begula bona behle kancane besuka ku1556 baya ku-1523.

IBulawayo yiyo ekhokhelayo ngabagulayo abangu-553 ilandelwa yiHarare ele-212.

Kuzinga lesithathu kuleMatabeleland South ngabantu abangu-201 ilandelwa yiMashonaland West yona elabantu abangu-186.

Abezempilakahle bathi ukuvulwa kwemingcele ngesikhathi lesi sokuyiwa kukhefu lekhisimusi kuzabangela ukuthi umkhuhlane lo ukumemetheka ngamandla ikakhulu lapho izizalwane zeZimbabwe ezisebenza emazweni afana leleSouth Africa seziphindela ekhaya.

Lelolizwe selingene kuhlandla lesibili lokuhlaselwa yilumkhuhlane ngamandla (second wave) ngokutsho kukamphathintambo obona ngezempilakahle uMnu Zweli Mkhize.

UMkhize uthi ababanjwe lumkhuhlane ngoLwesibili bafike kunkulungwane eziyisithupha lanxa kulezinsuku bebesiba phansi kwenkulungwane ezimbili ngelanga.

Isizalwane seZimbabwe esihlala kweleSouth Africa, uMnu Bernard Bhekilizwe Ndlovu utshele iStudio 7 ukuthi abanengi abasazilandeli iziqondiso zokwenqabela lumkhuhlane kulelolizwe.

please wait

No media source currently available

0:00 0:03:13 0:00

Facebook Forum

XS
SM
MD
LG