amalinks wokungena

Breaking News

Sebethonisa Icala Lokuthi uTrump Wenza Okungekho Emthethweni Ngosizo Lwezikhali Lwakwele Ukrainne


APTOPIX Trump Impeachment

Idale leHouse of Representatives kwele Melika seliqalile ukuhlolisisa emphakathini okwenziwa nguMongameli Donald Trump kwele Ukrainne ngaphansi komthetho welizwe wokususa umongameli esikhundleni okubizwa ngeSilungu ngokuthi yi-Impeachement.

UMnu. William Taylor, owayengomunye wabamele ilizwe leMelika kwele Ukrainne, omunye wabantu abethule ubufakazi edale leli, uthi kusobala ukuthi kunengi okwakudingwa nguTrump.

Uveze ukuthi kukhanya engani uTrump wayefuna ukuthi uMongameli Volodymyr Zelenski wakwele Ukrainne abike emphakathini ukuthi wayesehlolisisa imisebenzi kaMnu. Hunter Biden, umtaka Mnu. Joe Biden, okhangelelwe ukuthi uzangena kukhetho lukamongameli emele ibandla lama Democrats.

UTaylor uthi kwamhlupha kakhulu ukuthi uTrump labanye bakhe bamisa uncedo lwemali efika phose izigidi ezine zamadola - $391 million - okwakumele inikwe ibutho lakwele Ukrainne, esenzela ukuthi lokhu kwenzakale nxa uZelenski engethulela uzulu ukuthi ilizwe lakhe selihlolisisa okwenziwa nguHunter Biden, owake wasebenzela inkampani yokuphehla umlilo kwele Ukrainne.

“UMongameli Donald Trump wayefuna ukuthi uMongameli Zelenky aphumele egcekeni ngodaba lolu hatshi ukuthi akwenze ngasese. Abantu bakwele Ukrainne babebuza kakhulu ngoncedo lolu okwakumele baluthole. Batshelwa ukuthi uncedo lolu alusoze lubekhona nxa inhlolisiso yodaba lolu ingenziwanga.

Uphinde wathi, “UAmbassador Sondland wathi nxa uMongameli Zelenzky nxa engaphumelanga egcekeni akusoze kube loncedo lwezomvikela olunzanikwa abantu bakwele Ukrainne. Kukhanya engani uTrump wayefuna ukusebenza njengosomabhizimusi owaye ebambe ugwalo lwemali esenzela ukuthi kwenziwe okukhanyayo. Lokhu kukhanya kwakusenziwa kuncedo lolu lwezomvikela.”

UTrump labanye bakhe bacabangela ukuthi uHunter Biden wenza ukungethembeki ngesikhathi esebenzela inkampani leyo okwenza ukuthi uyise, owayengumsekeli kaMongameli Barack Obama ngalesos’ikhathi, avimbe udaba lolu.

UJoe Biden uyakuphikisa lokhu. UMgcinisihlalo wekhomithi yedale leHouse of Representatives ehlolisisa udaba lolu, uMnu. Adam Schiff okubandla lama Democrats, uthi kukhanya engani uTrump wenza konke lokhu esenzela ukubamba uZelensky ngenkani ukwenzela ukuthi angcolise uJoe Biden olakho ukuncintisana laye kukhetho oluzayo.

Kodwa-ke omelet ibandla lama Republicans, uMnu. Devin Nunes uthi okwenziwa libandla lama Democrats yikuzama ukwethesa uTrump icala elingekho. Uthi izenzo zama Democrats ziveza ukuthi besaba uTrump kukhetho oluzayo.

Omunye ophe ubufakazi kukhomithi ebona ngezokucupha kwasensitha eyeHouse Intelligence Committee, nguMnu. George Kent, obona ngobudlelwano belizwe leMelika lele Ukrainne.

Okwethulwe NguMnu. William Taylor
please wait

No media source currently available

0:00 0:02:37 0:00


Facebook Forum

XS
SM
MD
LG