amalinks wokungena

Breaking News

Sekusele Inyanga Ezingabayisithupha Ukuthi Kwenziwe Ukhetho Kodwa Amabandla Akhanya Ematasatasa


UMnu. Mqondisi Moyo webandla leMthwakazi Republic Party
UMnu. Mqondisi Moyo webandla leMthwakazi Republic Party

Umongameli Emmerson Mnangagwa uthi ukhetho luzakwenziwa kunyanga eziyisithupha ezilandelayo.

UMnangagwa wethule lamazwi izolo eMozambique lapho kade ekhona kuhlelo lwakhe olokuxoxisana labomongameli bamazwe angomakhelwane.

Amabanlda aphikisayo, kunye lelibusayo, akhanya engakalulungiseli lolukhetho ematasatasa.

Ukuhlaziya loludaba sixoxe lomsekeli wesikhulumeli sebandla le People’s Democratic Party, uMnu. Edwin Ndlovu endawonye lomkhokheli webandla leMthwakazi Republic Party, uMnu. Mqondisi Moyo onguye osungula lingxoxo.

Ibandla leMthwakazi Republic Party
Ibandla leMthwakazi Republic Party

“Engingakutsho yikuthi si busy siyakhankasa njengebandla le MRP kusukela mhlaka 10 June kuze kuyofika namhlanje sesiyenze ama rally angafika 35 lama road show amathathu, amabili siwayenze koBulawayo eyodwa sayenza eGwanda town,” kutsho uMoyo.

Kodwa uthi abalamali yokukhankasa ngoba ingcosana abayitholayo ivela kubasekeli okwenza bafinyelele indawo ezinengi, ikakhulu ezemakhaya.

“Kunjenje silokudaba okukhulu ngoba sisanda kuthola incwadi evela emapholiseni akhangele iLupane West asiyalele ukuthi senze iroad show eTsholotsho lama rally amathathu endaweni ye Tshifunye,” kutsho uMoyo.

UNdlovu yena uthi abalahlupho ngokuthi isikhathi sesedlule ngoba abantu balindele inguquko.

“Njengebandla le PDP eliphansi kwe MDC Alliance sikhangelele ukuthi abantu bazavota ngobunengi kodwa ke okungani kufuna ukungasibambi kuhle yimbiko esiyizwayo eyokuthi amasotsha ase deployiwe yonke indawo yiwo azakhampenela iZanu PF,” kutsho uNdlovu.

please wait

No media source currently available

0:00 0:05:17 0:00
XS
SM
MD
LG