Inani legolide elithengiselwa uhulumende lehle ngesilinganiso sokubili ekhulwini - 1, 9% nxa kuqathaniswa lelathengiswa nyakenye ngesikhathi esifanayo.
Umphathintambo kahulumende obona ngokwenjiwayo uMnu. Winston Chitando wazise lokhu ngesikhathi esungula uhlelo lokukhuthaza abemba igolide ukuba bethengisele uhulumende.
Igolide elithengiselwe eFidelity Gold Refineries, eyiyo ethenga imele uhulumende, lehle lisuka ku 8.57 tons lafika ku8,4tons.
Uhulumende ukhangelele ukuthenga igolide elingamathani angamatshumi amane kusiya phela umnyaka.
Ingcitshi zithi ukwehla kwenani legolide elitholwe nguhulumende lokwehla kwentengo zegolide emkambo wamazwe omhlaba kulakho ukuphazamisa amandla email yeZimbabwe.
Ingcwethi yezenotho njalo esebenza lenhlanganiso yeDisability Rights Centre uMnu Masimba Kuchera utshele iStudio7 ukuthi intengo kahulumende ephansi ngeyinye yezinto ezenza abemba igolide balithengisele kwamanye amazwe.
Forum