amalinks wokungena

Breaking News

Lanxa Izulu Selisina, Ingcwethi Zithi Indlala Izaqhubeka


Lanxa izulu selilamaviki amabili lisina endaweni ezitshiyeneyo zelizwe, ingcwethi kwezokulima zithi umumo wendlala awusoze ube nganeno ngoba abantu abanengi bebevele bengalimanga.

Kodwa zithi lelizulu lizanceda izifuyo ngoba amanzi okunatha ebesesilela kakubi emadamu kanti njalo lamadlelo ebengasekho.

“Izulu siyalijabulela ukuthi selizile, kodwa eqinisweni alisoze lisize kangako ikakhulu emabeleni lasemunjini ngoba seliphuzile,” kutsho ingcwethi kwezokulima uMnu Mandla Nkomo.

“Esikujabulelayo kakhulu yikuthi amanzi ezifuyo lotshani bezifuyo asezaba khona. At least kulapho abantu abazaphephela khona.”

EleZimbabwe ngelinye lamazwe eAfrica abhekane lendlala embi lonyaka ngenxa yezulu elingananga kuhle ngesikhathi, okwenze abantu bangalimi.

Inhlanganiso ezizimeleyo eziphathisa abalambayo lohulumende bathi bedlula izigidi ezintathu abantu abahlaselwe yindlala njalo abadinga uncedo lonyaka.

please wait

No media source currently available

0:00 0:01:45 0:00
Lapho esitholakala khona
XS
SM
MD
LG