amalinks wokungena

Breaking News

Livuka Khwatshu Icele Lebandla leZanu PF eleGeneration 40 Elahlaselwa Libutho


FILE: UMnu. Saviour Kasukuwere ukhuluma labanye bakhe engakasuswa esikhundleni.

Ibandla leZanu PF lithi akumelanga uzulu asekele amalunga ecele lebandla leli aweGeneration 40 okukhanya engani asevuselela ukuthatha umbuso welizwe lweZimbabwe.

Omunye walabo abakucele leli, uMnu. Saviour Kasukuwere, kubikwa ukuthi ufuna ukuncintisa kukhetho lukamongamei oluzayo.

UKasukuwere usebenzisa ubulembu beTwitter ukuthi akhankase ngaphansi kwesihloko esithi uHashtag Tyson Wabantu.

Kasenelisanga ukukhuluma laye labanye bakhe abagoqela uSikhwicamfundo uJonathan Moyo ababaleka eZimbabwe ngomnyaka ka2017 ibutho lisusa owayengumongameli umuyi uRobert Mugabe esikhundleni.

Ibutho lalithe uKasukuwere lamalunga eGeneration 40 yiwo ayesebusa eZimbabwe hatshi uMugabe owayesegugile. Ibutho lathi abantu laba babesenza ukuganga okumangalisayo. Ngaleso sikhathi kukhanya engani babefuna ukuthi uMnu. Sydney Sekeramai athathe isikhundla sikaMugabe.

Isikhulumeli sebendla leZanu PF, uMnu. Simon Khaya Moyo usanda kwethula umbiko othi iGeneration 40 yisitha sikazulu. Kambe kutshoni lokhu?

UMnu. Malaki Nkomo, webandla leli owake wabakudale lephalamende ekubandla elibusayo, uthi kabamesabi uKasukuwere leGeneration 40.

Selivuka Icele Lebandla leZanu PF eleGeneration 40 Elifuna uKasukuwere Engene Kukhetho
please wait

No media source currently available

0:00 0:03:14 0:00


Facebook Forum

XS
SM
MD
LG