amalinks wokungena

Breaking News

Amalunga Edale leSenate eMelika Athi Kuyethusa Okwenziwe Libutho eZimbabwe


Armed soldiers patrol a street in Harare, Zimbabwe, Nov. 15, 2017.

Amalunga ekhomithi ebona ngokudlelana lamanye amazwe eye United Nations Foreign Relations Committee ekhangelane lokwenzakala kuzwekazi leAfrica ithi kuyethusa okwenziwa libutho leZimbabwe eselihluthene umbuso kuhulumende kaMongameli Robert Mugabe.

Abakukhomithi le ababalisa uChris Coons (Democrat Delaware), Jeff Flake (Republican - Arizona), Cory Booker (Democrat -New Jersey), loJohnny Isakson (Republican Georgia), bathi kumele ibutho livikele izizalwane zeZimbabwe zonke njalo lihloniphe umbuso kazulu.

"Abantu beZimbabwe sebelesikhathi eside behlupheka ngaphansi kahulumende kaMongameli Robert Mugabe obusa ngocuku osewenze kwabalokuhlupheka okumangalisayo elizweni. Loba nje sikwazi ukuba kufuneka uhulumende omutsha, sikhathazwa ngokwenziwe libutho.

"Kumele inkokheli yebutho leZimbabwe Defense Forces livikela abantu njalo libisele umbuso ebantwini. Inkokheli yelizwe layo kumele ibone ukuba umbuso usezandleni zikazulu njalo lokuthi umbuso ubiselwe ezandleni zikazulu. Kumele kuhlonitshwe isisekelo sombuso welizwe njengalokho okufiswa ngabantu.”

Ikhomithi le iphinde yathi inhlanganiso yeSouthern African Development Community leye African Union kumele ingenele kudaba lolu ibone ukuthi kuyahlonitshwa ilungelo likazulu ngendlela okuzakwenza ukuthi kuvuselelwe umnotho welizwe njalo kuhlonitshwe ilungelo likazulu.

Ibutho lingenele kudaba lweZimbabwe lisithi kunengo osokonakele okugoqela ukuxotshwa kukaMnu. Emmerson Mnangagwa obengumsekeli kaMongameli Mugabe njalo lokubhidlika komnotho.

UNkosikazi Grace Mugabe ubelwisana loMnangagwa efuna isikhundla sakhe engakaxotshwa ngumongameli welizwe.

Facebook Forum

XS
SM
MD
LG