amalinks wokungena

Breaking News

Amalunga Edale leUnited States Senate Ethekelela Kwele Zimbabwe


FILE - USenator Jeff Flake (R-AZ) ukhuluma lentathelizindaba esigodlweni seMelika eCapitol Hill eWashington DC, Jan. 22, 2018.

Kulequla lamalunga edale leSenate yakwele Melika abagoqela uMnu. Jake Flake webandla lama Republicans kanye loMnu. Chris Coons webandla lama Democrats.

Babambisane indlela lamalunga amathathu edale leli afuna ukubakwazi okwenzakala kwele Zimbabwe kulandela ukungena embusweni kukahulumende okhekhelwa nguMongameli Emmerson Mnangagwa owancediswa libutho ukuthi asuse uMnu. Robert Mugabe esikhundleni.

Abahlanu laba bazahlangana lenkokheli yamabandla aphikisayo, inkokheli yenhlanganiso ezizimele yodwa labanye abantu abatshiyeneyo.

Bahlolisisa indlela zokuguqula umthetho weZimbabwe Democracy and Economic Recovery Act (ZIDERA) owafakelwa abalandeli bebandla leZanu PF nguhulumende weMelika owayebethesa amacala okukhahlameza uzulu njalo lokungenzi ukhetho ngemfanelo.

Bafuna njalo ukuthi kubelokhetho olubalulekileyo eZimbabwe amazwe la engakaqalisi ukudlelana okujulileyo.

uNkosazana Stacy Lomba, obona ngezokudlelana lozulu esigodlweni seMelika kwele Zimbabwe, uthi iqula leli lifuna ukuthi kuguqulwe olunengi kwele Zimbabwe, ikakhulu ukuqhutshwa kokhetho njalo lokudlelana kukahulumende labantu.

Ilizwe leMelika lamanye asempumalanga afakela ilizwe leZimbabwe izijeziso zenotho lisethesa uMugabe labanye bakhe amacala okwephula ilungelo loluntu lokungaqhubi kahle ukhetho.

Facebook Forum

XS
SM
MD
LG