Sengiyinqobile iCovid-19 Njalo Sengizaqala Imikhankaso Yami, Kutsho uTrump

UMongameli weMelika uMnu Donald Trump, yena obehlaselwe yiCovid-19, uthi usepholile njalo udokotela wakhe uthi akuselangozi yokuthi engathelela abanye lumkhuhlane.

Kodwa kaphumelanga egcekeni ekuthini ulokhe elawo na lumkhuhlane emzimbeni wakhe kumbe kaselawo.

UTrump uthi usezaqhubeka ngemihlangano yakhe yokukhankasela ukhetho ebimiswe yikubanjwa kwakhe yilumkhuhlane.

Ukhetho lolu solusalelwe nje ngamaviki amathathu lapho uTrump azangqikilana khona loMnu Joe Biden owebandla lamaDemocrats.

UMongameli Trump yena umela amaRepublicans njalo ukhanya ehambela muva kakhulu kucwaningo olwenziwa zinhlanganiso ezitshiyeneyo ama-opinion polls.

Intathelizindaba uMnu Simbarashe Nembaware utshele iStudio 7 ukuthi lanxa ekhanya ehambela muva, uTrump ulakho ukumangalisa abanengi anqobe futhi njengalokhu akwenza ngo2016.

Embed share

Ingxoxo loMnu Simbarashe Nembaware

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:37 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala