amalinks wokungena

Breaking News

Seziqhelisiwe Ngamanye Njalo Amaviki Amabili Iziqondiso zeCovid-19


Virus Outbreak Zimbabwe Vaccines Mandate
Virus Outbreak Zimbabwe Vaccines Mandate

UMongameli Emmerson Mnangagwa izolo wengeze isikhathi sokusebenza kwemigoqo yokwenqabela ukumemetheka komkhuhlane weCovid-19 phansi kwezinga lesibili (Lockdown Level 2), ngamanye njalo amaviki amabili.

UMnangagwa ukhuthaze uzulu ukuthi eqhubeke ezivikela ngazo zonke indlela ezigoqela ukuqhelelana, ukugqoka ama-mask kanye lokugcoba ama-sanitizer.

Umphathintambo obona ngokwethulwa kwemibiko uNkosikazi Monica Mutsvangwa utshele intathelizindaba ukuthi idale leCabinet linqume ukuthi indawo ezithengisa utshwala (ama-bars), sezingavulwa.

Kodwa uthe kumele zivumele kuphela indlamanzi ezihlatshwe amajekiseni womabili okuvikela lumkhuhlane.

Uthe njalo i-coronavirus isisehla ezikolo nanku inani labafundi abalayo lehle lisuka phezu kwenkulungwane, 1267, ngeviki edluleyo laya ku815.

Isiphathamandla senhlanganiso yeCitizens Covid-19 Monitor uMnu Effie Dlela Ncube utshele iStudio 7 ukuthi uhulumende kumele ayekethise kakhulu iziqondiso lezi ilizwe liphume ku-Level 2 njengoba lumkhuhlane usudedile.

please wait

No media source currently available

0:00 0:03:19 0:00

XS
SM
MD
LG