amalinks wokungena

Breaking News

Seziqinisiwe Iziqondiso Zokwenqabela iCovid-19 kweleSouth Africa


Cyril Ramaphosa, président ya Afrique du Sud (Afrika ya Ngele) azipi zolo na masque na Johannesburg, 24 avril 2020.
Cyril Ramaphosa, président ya Afrique du Sud (Afrika ya Ngele) azipi zolo na masque na Johannesburg, 24 avril 2020.

UMongameli weleSouth Africa uMnu Cyril Ramaphosa wazise ngeSonto ebusuku ukuthi useqinise iziqondiso zokwenqabela ukumemetheka kweCovid-19 ngokuvala yonke imibuthano egoqela eyamasonto, eyezombusazwe kanye lezikolo.

Uthe imbuthazo yezimfa yiyo yodwa evunyelwayo kodwa uthe akumelanga ibe labantu abedlula amatshumi amahlanu, 50.

URamaphosa uthe phakathi kwamaviki amabili alandelayo, akulandawo ezavunyelwa ukuthengisa utshwala kanti njalo amakhefa asevunyelwa kuphela ukuthengisa ukudla abantu bayedlela ezindlini zabo hatshi kulawamakhefa.

UMongameli Ramaphosa uthe njalo abantu abasavunyelwa ukuhambahamba kusukela ntambaba ngo9 O’clock kuze kuyetshana u4 O’clock ekuseni.

Uxwayise uzulu ukuthi alandele iziqondiso lezi, wathi abazatholakala bezephula kumele babekwazi ukuthi bazabotshwa.

Ekhuluma ngohlelo lokuhlatshwa kwabantu ijekiseni yokwenqabela lumkhuhlane, uRamaphosa uthe uhulumende wakhe wenza konke akwenelisayo.

Ukhuthaze uzulu ukuthi awamukele lawamajekiseni ngoba esebenza njalo engelawo umthelela omubi.

Kodwa ibandla eliphikisayo eleEFF liphange lethula umbiko likhuthaza uzulu ukuthi engazilandeli iziqondiso zikaRamaphosa ngoba zingasoze ziwenqabele lumkhuhlane.

Lelibandla lithi okudingakalayo okuzawuqeda yikuthi uhulumende enyuse uhlelo lokuhlatshwa kwabantu ijekiseni yeCovid-19.

Isiphathamandla senhlanganiso emela izizalwane zeZimbabwe kweleSouth Africa eyeZimbabwe Community in South Africa uMnu Bongani Mkhwanazi uthe lanxa iziqondiso lezi zidingeka, zizaphazaisa imisebenzi eminengi.

please wait

No media source currently available

0:00 0:03:14 0:00

XS
SM
MD
LG